رەسپۋبليكالىق سپارتاكيادا باستالدى

1879
Adyrna.kz Telegram

شىمكەنت قالاسىندا تىرەك-قيمىل اپپاراتى زاقىمدانعان جانە كورۋ قابىلەتى ناشار سپورتشىلار اراسىندا ەلىمىزدىڭ VI سپارتاكياداسى باستالدى. بايراقتى باسەكە 5 سپورت تۇرىنەن – دويبى، شاحمات، توعىزقۇمالاق، كاراتە جانە اربادا بيلەۋ سىندى باعدارلاما بويىنشا وتەدى.

ءدۇبىرلى دوداداەلىمىزدىڭ بارلىق وڭىرىنەن جينالعان 300-دەن استام سپورتشى باقتارىن سىناۋدا.اربادا بيلەۋ سايىسىنا الەمدىك ارەنادا ونەر كورسەتىپ جۇرگەن سپورت ساڭلاقتارى قاتىسۋدا. باستى ماقسات تاعدىردىڭ تالكەگىنە ءتۇسىپ ارباعا تاڭىلعان جانداردى قولداپ، سالاۋاتتى ءومىر سالتىن ۇستانۋعا شاقىرۋ دەيدى ۇيىمداستىرۋشىلار.

قابدۋللا بايجانوۆ – باس تورەشى

جەرلەسىمىزەرمەك قالىمبەتوۆتىڭ وسى سپورت تۇرىمەن اينالىسىپ جۇرگەنىنە 6 جىل بولعان. سپورت شەبەرى2016 جىلعى ازيا چەمپيونى، 2019 جىلى گەرمانيادا وتكەن الەم چەمپيوناتىنىڭ قولا جۇلدەگەرى جانە اعىمداعى جىلى يتاليادا وتكەن الەم كۋبوگىنىڭ قولا جۇلدەگەرى. سەرىكتەسىمەن بىرگە الداعى وڭتۇستىك كورەيادا بولاتىن الەم چەمپيوناتىنا جولدامانىڭ يەگەرى. بۇل سپارتاكيادانىڭ سپورتشىلارى ءۇشىن ورنى بولەك ەكەنىن ايتادى. قانداي سايىس بولماسىن وڭتۇستىك ءوڭىرىنىڭ اتىن شىعارىپ ءجۇرۋ باستى ماقساتىمىز دەيدى.

ەرمەك قالىمبەتوۆ - ءپارابيشى

بۇل سپورت ءتۇرى ەلىمزدە العاش رەت 2009 جىلى قۇرىلعان. سپورتشىلار ءتۇرلى الەمدىك سايىستارعا قاتىسىپ جۇلدەلى ورىندارعا يە بولۋدا. بۇگىندە قازاق ەلى پارابيدەن الەمدىك رەتينگتە 3 ورىندا ورنالاسقان. ايتا كەتەيىك، 21 قىركۇيەك كۇنى بارلىق سپورت ءتۇرى بويىنشا ىرىكتەۋ باسەكەلەرى باستاۋ العان بولاتىن. جەڭىمپازدار مەن جۇلدەگەرلەر 25 قىركۇيەك كۇنى انىقتالادى.

 

ە. بوبەەۆ

پىكىرلەر