شىمكەنت قالاسىنىڭ اكىمى مۇرات ايتەنوۆ «شىمكەنت جاستار ليگاسىندا» جەڭىمپاز بولعان № 87 ا.نازاربەكوۆ اتىنداعى جالپى ورتا مەكتەپتى ارالاپ، وقۋشىلارمەن تىلدەستى. بۇل مەكتەپ فۋتبولدان جەڭىمپاز اتانىپ، 20 ملن تەڭگە قارجىلاي سىيلىق العان بولاتىن. اتالعان قارجىعا «شىمكەنت – قايىرىمدى قالا» قورى ارقىلى مەكتەپتىڭ ماتەريالدىق-تەحنيكالىق بازاسىن نىعايتۋ ماقساتىندا 12 دانا جىلجىمالى ينتەراكتيۆتى پانەلدەر العان.
اكىم وقۋشىلاردىڭ بۇل يگى ءىسىن قولداپ، مەكتەپكە تانىتقان جاناشىرلىقتارى ءۇشىن العىسىن جەتكىزدى. ءوز كەزىندە بالالار كەلەر جىلىدا سپورتتىق جارىسقا قاتىساتىندارىن ايتىپ، ءبىلىم مەن سپورتتا الدا بولاتىندارىنا ءسوز بەردى.18 قىركۇيەك - «بىرگە تازا قازاقستان!» ەكولوگيالىق جوباسى اياسىندا شىمكەنتتە جالپىقالالىق سەنبىلىك بولعاندىقتان قالا باسشىسى ەڭ الدىمەن ءبىلىم وشاعىنىڭ تازالىق جۇمىسىنا قاتىستى. ۇستازدارعا وقۋشىلاردىڭ ەكولوگيالىق ءبىلىمىن ارتتىرۋدى، بالالارعا قورشاعان ورتانىڭ لاستانۋىنا جول بەرمەۋدى جانە تابيعاتتى قاستەرلەۋدى ايتتى.قالا اكىمىنە مەكتەپ ديرەكتورى ا.قاپپاروۆا ءبىلىم مەكەمەسىندەگى اقپاراتتىق ورتالىقپەن، STEM جانە روبوتوتەحنيكا كابينەتتەرىمەن جانە ابايتانۋ بۇرىشىمەن تانىستىردى. سونىمەن بىرگە سپورت سەكتسيالارىن ارالاپ، شاحمات بويىنشا ءوتىپ جاتقان اشىق ساباققا قاتىستى.ءۇش قاباتتى مەكتەپ 1200 ورىندىق بالاعا شاقتالعان. مۇندا ەكى اۋىسىمدا 2662 وقۋشى ءبىلىم الادى.
