Shymkent qalasynyń ákimi Murat Áıtenov «Shymkent jastar lıgasynda» jeńimpaz bolǵan № 87 A.Nazarbekov atyndaǵy jalpy orta mektepti aralap, oqýshylarmen tildesti. Bul mektep fýtboldan jeńimpaz atanyp, 20 mln teńge qarjylaı syılyq alǵan bolatyn. Atalǵan qarjyǵa «Shymkent – qaıyrymdy qala» qory arqyly mekteptiń materıaldyq-tehnıkalyq bazasyn nyǵaıtý maqsatynda 12 dana jyljymaly ınteraktıvti panelder alǵan.
Ákim oqýshylardyń bul ıgi isin qoldap, mektepke tanytqan janashyrlyqtary úshin alǵysyn jetkizdi. Óz kezinde balalar keler jylyda sporttyq jarysqa qatysatyndaryn aıtyp, bilim men sportta alda bolatyndaryna sóz berdi.18 qyrkúıek - «Birge taza Qazaqstan!» ekologııalyq jobasy aıasynda Shymkentte jalpyqalalyq senbilik bolǵandyqtan qala basshysy eń aldymen bilim oshaǵynyń tazalyq jumysyna qatysty. Ustazdarǵa oqýshylardyń ekologııalyq bilimin arttyrýdy, balalarǵa qorshaǵan ortanyń lastanýyna jol bermeýdi jáne tabıǵatty qasterleýdi aıtty.Qala ákimine mektep dırektory A.Qapparova bilim mekemesindegi aqparattyq ortalyqpen, STEM jáne robototehnıka kabınetterimen jáne Abaıtaný buryshymen tanystyrdy. Sonymen birge sport sekııalaryn aralap, Shahmat boıynsha ótip jatqan ashyq sabaqqa qatysty.Úsh qabatty mektep 1200 oryndyq balaǵa shaqtalǵan. Munda eki aýysymda 2662 oqýshy bilim alady.
