18 قىركۇيەك دۇنيەجۇزىلىك تازالىق كۇنى. وسىعان وراي شىمكەنتتە جالپى قالالىق سەنبىلىك ۇيىمداستىرىلدى. وعان قالا اكىمىنەن باستاپ بارلىق باسقارما باسشىلارى مەن ماماندارى جانە تۇرعىندار مەن قالا جاستارى قاتىستى. تازالىق شاراسى اياسىندا دەندرو ساياباقتىڭ ىشىمەن قالاداعى قوعامدىق ورىندار تولىقتاي تازالانىپ، 165 تەكشە مەتر قوقىس قالا سىرتىنا شىعارىلدى.
قالا اكىمدىگىنە قاراستى باسقارما ماماندارى الدىمەن اسانباي اسقاروۆ اتىنداعى دەندرو ساياباققا جينالدى. ول جەردە ورتالىق الەياداعى جيەكتاستاردى سىرلاپ، قۋراعان اعاش بۇتالارىن تازالادى.
اسىلحان ەشيموۆ - ا.اسقاروۆ اتىنداعى دەندرولوگيالىق ساياباعىنىڭ ديرەكتورى
نەگىزىندە بىزدە ءبارى تازا. قالالىق سەنبىلىك بولعان سوڭ جۇمىس كۇشى ارتىقتىق ەتپەيدى عوي.ءبولىپ-ءبولىپ جۇمىس ىستەيمىز.
جالپى قالالىق سەنبىلىككە 12 مىڭنان استام ادام مەن 100-دەن استام تەحنيكا جۇمىلدىرىلدى. ال، تازالىق شاراسى قالا اۋماعىن تۇتاستاي قامتىدى. ءاربىر اۋدان اكىمدىگى ءوز اۋماعىنداعى حالىق كوپ شوعىرلاناتىن قوعامدىق ورىندار مەن ءۇي اۋلالارىن رەتتەدى. ودان بولەك يرريگاتسيالىق ارىقتار تازالانىپ، دەمالىس ورىندارىندا سىرلاۋ جۇمىستارى جۇرگىزىلدى.
عابيت ماۋلەنقۇلوۆ – شىمكەنت قالاسى اكىمى اپپاراتىنىڭ باسشىسى
نەگىزىگى مىندەت حالىققا كورسەتۋ. اكىمدىك قىزمەتكەرلەرى تەك كابينەتتە وتىرمايدى. حالىقپەن بىرگە تازالىق جۇمىستارىندا اتقارادى. بۇل شىمكەنت ءبىزدىڭ ورتاق ءۇيىمىز ورتاق ءۇيىمىزدىڭ تازا بولعانى جاقسى عوي.
ايتىپ وتەيىك، وسى جولعى اكتسيا «بىرگە تازا قازاقستان!» ەكولوگيالىق جوباسى اياسىندا ۇيىمداستىرىلدى. ال اتالعان جوبانىڭ ماقساتى قورشاعان ورتانىڭ لاستانۋ پروبلەماسىن بولدىرماي، قوعامدا ەكولوگيالىق مادەنيەتتى قالىپتاستىرۋ.
م. جارىلقاسىن
