شىمكەنت قالاسىنىڭ بيۋدجەتى تاعى 9 ملردقا ارتاتىن بولدى. بۇل تۋرالى جەتىنشى شاقىرىلىمداعى قالالىق ءماسليحاتتىڭ كەزەكتى توعىزىنشى سەسسياسىندا ايتىلدى. باسقوسۋدا بۇدان وزگە كۇن تارتىبىندە وزەكتى 15 ماسەلە قارالىپ، حالىق قالاۋلىلارى تاراپىنان قولداۋ تاپتى. جيىنعا قالا اكىمنىڭ ءبىرىنشى ورىنباسارى شىڭعىس مۇقان ارنايى قاتىستى.
سەسسيانى شىمكەنت قالاسى ءماسليحاتىنىڭ حاتشىسى باحادىر نارىمبەتوۆ جۇرگىزىپ وتىردى. جيىندا الدىمەن «2021-2023 جىلدارعا ارنالعان شىمكەنت قالاسىنىڭ بيۋدجەتى تۋرالى» ءماسليحات شەشىمىنە وزگەرىستەر ەنگىزۋ ماسەلەسى تالقىعا ءتۇستى. بۇل جونىندە قالالىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى راحىمبەردى مۇلكەمانوۆ بايانداما جاسادى. ونىڭايتۋىنشا، دەنساۋلىقساقتاۋ، ءبىلىم، الەۋمەتتىكقورعاۋ، جولقۇرىلىسى سەكىلدى تاعى باسقاسالالارعا قوسىمشا قارجى باعىتتاۋعا ۇسىنى ەنگىزىلگەن. ناتيجەسىندە قالا بيۋدجەتىنىڭ كولەمى 481 ملرد 600 ملن تەڭگەدەن، 490 ملرد 600 ملن تەڭگەگە ارتاتىن بولادى.. قالا بيۋدجەتىن ناقتىلاۋ ماسەلەسى قالالىق ءماسليحاتتىڭ تۇراقتى كوميسسيالارىندا، قوعامدىق كەڭەستە جان-جاقتى تالقىلانعان.
راحىمبەردى مۇلكەمانوۆ–شىمكەنت قالاسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى
سونداي-اق، قالا اۋماعىندا 1945 تۇرعىن ءۇي بولسا ونىڭ 1847-ءى ياعني 95 پايىزى قىسقى ماۋسىمعا دايىن. بۇل تۋرالى شىمكەنت قالاسىنىڭ ەنەرگەتيكا جانە ينفراقۇرىلىمدى دامىتۋ باسقارماسىنىڭ باسىشىسى بورانباي بۋلاتبەكوۆ ءوز بايانداماسىندا مالىمدەدى. بۇدان وزگە دە 482 بيۋدجەتتىك نىساننىڭ 480-ى جىلىتۋ ماۋسىمىنا دايىندالدى. بيۋدجەتتىك مەكەمەلەرگە 980 توننا سۇيىق وتىن، 4,7 مىڭ توننا كومىر قاجەت ەكەندىگى ايتىلدى.ودان بولەك، 482 بيۋدجەتتىك نىساننىڭ 480-ى جىلىتۋ ماۋسىمىنا دايىندالدى.
بورانباي بۋلاتبەكوۆ- شىمكەنت قالاسىنىڭ ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى
سونىمەن قاتار جيىن بارىسىندا ءتورت اۋدان اكىمدەرى وڭىرلەردىڭ دامۋ ستراتەگياسى بويىنشا اعىمداعى جىلدىڭ 8 ايىندا اتقارىلعان جۇمىستاردى بايانداپ، ينجەنەرلىك ينفراقۇرىلىم جۇيەلەرى، قىسقى جىلۋ ماۋسىمىنا دايىندىق بارىسى جونىنەن حاباردار ەتتى. ال ءماسليحات دەپۋتاتتارى اتالعان شەشىمدەردى ءبىراۋىزدان قولدادى. سونىمەن قاتار، سەسسيادا شىمكەنت قالاسىنداعى كوشى-قون پروتسەستەرىن رەتتەۋ قاعيدالارىن بەكىتۋ، «جەرگىلىكتى مەملەكەتتىك-جەكەشەلىك ارىپتەستىك جوبالارىنىڭ تىزبەسىن بەكىتۋ تۋرالى» ءماسليحات شەشىمىنە تولىقتىرۋ ەنگىزۋ ماسەلەلەرى قولداۋ تاپتى.
ە. بوبەەۆ
