ەلىمىزدەگى ءۇشىنشى مەگاپوليستىڭ ينفراقۇرىلىمى باستى نازاردا. قالا اكىمى مۇرات ايتەنوۆتىڭ تىكەلەي باقىلاۋىنداعى بۇل ماسەلە، بۇگىندە ءبىرشاما رەتتەلە باستادى. وسى ورايدا، قۇرىلىسى ءجۇرىپ جاتقان گاز، سۋ، جارىق جۇيەلەرىنىڭ جۇمىسىمەن ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى بورانباي بولاتبەكوۆ باق وكىلدەرىنە ارنايى تانىستىردى.
ءباسپاسوز تۋرىنىڭ العاشقى ايالداماسى بۇگىندە 98 پايىز قۇرىلىسى اياقتالعان اۆتوماتتاندىرىلعان گاز تاراتۋ ستانساسى بولدى. قالانى تابيعي گازبەن تولىق قامتاماسىز ەتۋ ماقساتىندا سالىنعان نىسان 250 000 م3/ساع قۇرايدى. ال، نىساننىڭ تەحنيكالىق قۇرال-جابدىقتارى 100 پايىز ورناتىلىپ قويىپتى.
قالانىڭ تابيعي گاز كوزدەرىنىڭ قۋاتتىلىعى اگرس-1, اگرس-4 «شىمكەنت» 180 000 م3/ساع قۇراپ وتىر. الايدا، بۇگىنگى تاڭداعى قاجەتتىلىك -250 000 م3/ساع قۇراۋى قاجەت. وسى قاجەتتىلىكتى قامتاماسىز ەتۋ ماقساتىندا اگرس-3 نىسانىن سالۋعا شەشىم 2019 جىلى قابىلدانعان بولاتىن. قازىرگى تاڭدا، اگرس-3 نىساننىڭ گاز قۇبىرىنا گيدراۆليكالىق سىعىمداۋ جۇمىستارى جۇرىزىلۋدە. ستانتسيا ىسكە قوسىلسا، تۇرعىن ءۇي، الەۋمەتتىك، كاسىپكەرلىك جانە وندىرىستىك نىساندار ساپالى جانە ۇزدىكسىز تابيعي گازبەن قامتاماسىز ەتىلمەك.
بورانباي بولاتبەكوۆ – شىمكەنت قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى
بۇگىندە قالا حالقىنىڭ 92,2% تابيعي گازبەن قامتىلعان. الداعى ۋاقىتتا ستانتسيا ىسكە قوسىلسا 100 پايىزعا جەتەدى دەگەن جوسپار بار. سونداي-اق، كوگىلدىر وتىننىڭ قورى قالادا ارتىعىمەن ساقتالاتىن بولادى. سونىمەن قاتار، پرەسس-تۋر بارىسىندا جۋرناليستەرگە قۇرىلىسى جۇرگىزىلىپ جاتقان ءۇش ماگيسترالدى سۋ قۇبىرىنىڭ قۇرىلىس جۇمىستارى تانىستىرىلدى. جالپى ۇزىندىعى 11,37 شاقىرىمدى قۇرايتىن «كومەشبۇلاق» نىسانىنىڭ قازىرگى ۋاقىتتا 8,3 شاقىرىم قۇبىر ورناتىلىپ، قۇرىلىس جۇمىستارىنىڭ 85 پايىزى اياقتالىپتى. وتكەن جىلى باستالعان قۇرىلىس وسى جىلدىڭ قاراشا ايىندا اياقتاۋ جوسپارلانىپ وتىر ەكەن.
دىنمۇحامەد جانىسباەۆ - «سارىاعاش - امان» جشس-ءنىڭ باس ينجەنەرى
اتالعان ماگيسترالدى سۋ قۇبىرىنىڭ قۇرىلىسى اياقتالسا شاھاردىڭ سولتۇستىك بولىگى، ياعني اسار-2, دوستىق، سولتۇستىك ساياجاي، ىنتىماق، ىنتىماق-2, باتىس، قىزىلجار، يگىلىك، جاڭاتالاپ، تاۋەلسىزدىككە 20 جىل، كوكبۇلاق تۇرعىن الاپتارى تولىققاندى ساپالى اۋىز سۋمەن قامتاماسىز ەتىلەدى دەپ كۇتىلۋدە. قازىرگى تاڭدا قالا تۇرعىندارىن ساپالى اۋىز سۋمەن قامتۋ ماقساتىندا 14 نىساننىڭ، ياعني 3 ماگيسترالدى سۋاققى مەن 11 ىشكى ورامدىق جۇيەلەر قۇرىلىسى جۇرگىزىلۋدە.
بورانباي بولاتبەكوۆ – شىمكەنت قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى
بيىل قۇرىلىس ءجۇرىپ جاتقان 9 ەلدىمەكەندە جۇمىستار اياقتالدى دەپ جوسپارلانۋدا. ولار تۇران، سولتۇستىك ساياجاي، ىنتىماق-2, باتىس، جاڭاتۇرلان، اسار-2, اقتاس، جاڭاتالاپ جانە ساۋلە شاعىن اۋداندارى ساپالى اۋىز سۋمەن قامتىلادى دەپ كۇتىلۋدە. ميلليوندى قالانى ساپالى ەلەكتر جارىعىمەن قامتاماسىز ەتۋ ماقساتىندا 2019 جىلى «1-م-1» قوسالقى ستانتسياسىنىڭ قۇرىلىسى باستالعان بولاتىن. جەلىلەردىڭ ۇزىندىعى – 5,2 شاقىرىم. قورەكتەندىرۋ جەلىسى 110 كۆ قۇرايتىن قوسالقى ستانتسيادا بۇگىندە تەحنيكالىق سىناق جۇمىستارى جۇرگىزىلىپ جاتىر ەكەن. نىسان بوزارىق ستانتسياسىنان قۋات الاتىن بولادى.
جاندوس ورىنباسار - «ەلەكترومونتاج» اق كەنتاۋ قالالىق فيليالىنىڭ ديرەكتورى
الداعى ۋاقىتتا قوسالقى ستانتسياسى ىسكە قوسىلسا قالانىڭ 5 بىردەي ەلدىمەكەنى ساپالى قۋات كوزىنە قوسىلاتىن بولادى. اتاپ ايتار بولساق، ولار اسار-2, سولتۇستىك ساياجاي، قايناربۇلاق، دوستىق، قايتپاس-2 شاعىناۋداندارىنداعى 60 مىڭعا جۋىق تۇرعىن قامتىلادى دەپ كوزدەلۋدە.
