Elimizdegi úshinshi megapolıstiń ınfraqurylymy basty nazarda. Qala ákimi Murat Áıtenovtyń tikeleı baqylaýyndaǵy bul másele, búginde birshama rettele bastady. Osy oraıda, qurylysy júrip jatqan gaz, sý, jaryq júıeleriniń jumysymen energetıka jáne ınfraqurylymdy damytý basqarmasynyń basshysy Boranbaı Bolatbekov BAQ ókilderine arnaıy tanystyrdy.
Baspasóz týrynyń alǵashqy aıaldamasy búginde 98 paıyz qurylysy aıaqtalǵan avtomattandyrylǵan gaz taratý stansasy boldy. Qalany tabıǵı gazben tolyq qamtamasyz etý maqsatynda salynǵan nysan 250 000 m3/saǵ quraıdy. Al, nysannyń tehnıkalyq qural-jabdyqtary 100 paıyz ornatylyp qoıypty.
Qalanyń tabıǵı gaz kózderiniń qýattylyǵy AGRS-1, AGRS-4 «Shymkent» 180 000 m3/saǵ qurap otyr. Alaıda, búgingi tańdaǵy qajettilik -250 000 m3/saǵ quraýy qajet. Osy qajettilikti qamtamasyz etý maqsatynda AGRS-3 nysanyn salýǵa sheshim 2019 jyly qabyldanǵan bolatyn. Qazirgi tańda, AGRS-3 nysannyń gaz qubyryna gıdravlıkalyq syǵymdaý jumystary júrizilýde. Stanııa iske qosylsa, turǵyn úı, áleýmettik, kásipkerlik jáne óndiristik nysandar sapaly jáne úzdiksiz tabıǵı gazben qamtamasyz etilmek.
Boranbaı Bolatbekov – Shymkent qalalyq energetıka jáne ınfraqurylymdy damytý basqarmasynyń basshysy
Búginde qala halqynyń 92,2% tabıǵı gazben qamtylǵan. Aldaǵy ýaqytta stanııa iske qosylsa 100 paıyzǵa jetedi degen jospar bar. Sondaı-aq, kógildir otynnyń qory qalada artyǵymen saqtalatyn bolady. Sonymen qatar, press-týr barysynda jýrnalısterge qurylysy júrgizilip jatqan úsh magıstraldy sý qubyrynyń qurylys jumystary tanystyryldy. Jalpy uzyndyǵy 11,37 shaqyrymdy quraıtyn «Kómeshbulaq» nysanynyń qazirgi ýaqytta 8,3 shaqyrym qubyr ornatylyp, qurylys jumystarynyń 85 paıyzy aıaqtalypty. Ótken jyly bastalǵan qurylys osy jyldyń qarasha aıynda aıaqtaý josparlanyp otyr eken.
Dinmuhamed Janysbaev - «Saryaǵash - Aman» JShS-niń bas ınjeneri
Atalǵan magıstraldy sý qubyrynyń qurylysy aıaqtalsa shahardyń soltústik bóligi, ıaǵnı Asar-2, Dostyq, Soltústik saıajaı, Yntymaq, Yntymaq-2, Batys, Qyzyljar, Igilik, Jańatalap, Táýelsizdikke 20 jyl, Kókbulaq turǵyn alaptary tolyqqandy sapaly aýyz sýmen qamtamasyz etiledi dep kútilýde. Qazirgi tańda qala turǵyndaryn sapaly aýyz sýmen qamtý maqsatynda 14 nysannyń, ıaǵnı 3 magıstraldy sýaqqy men 11 ishki oramdyq júıeler qurylysy júrgizilýde.
Boranbaı Bolatbekov – Shymkent qalalyq energetıka jáne ınfraqurylymdy damytý basqarmasynyń basshysy
Bıyl qurylys júrip jatqan 9 eldimekende jumystar aıaqtaldy dep josparlanýda. Olar Turan, Soltústik saıajaı, Yntymaq-2, Batys, Jańaturlan, Asar-2, Aqtas, Jańatalap jáne Sáýle shaǵyn aýdandary sapaly aýyz sýmen qamtylady dep kútilýde. Mıllıondy qalany sapaly elektr jaryǵymen qamtamasyz etý maqsatynda 2019 jyly «1-M-1» qosalqy stanııasynyń qurylysy bastalǵan bolatyn. Jelilerdiń uzyndyǵy – 5,2 shaqyrym. Qorektendirý jelisi 110 kV quraıtyn qosalqy stanııada búginde tehnıkalyq synaq jumystary júrgizilip jatyr eken. Nysan Bozaryq stanııasynan qýat alatyn bolady.
Jandos Orynbasar - «Elektromontaj» AQ Kentaý qalalyq fılıalynyń dırektory
Aldaǵy ýaqytta qosalqy stanııasy iske qosylsa qalanyń 5 birdeı eldimekeni sapaly qýat kózine qosylatyn bolady. Atap aıtar bolsaq, olar Asar-2, Soltústik saıajaı, Qaınarbulaq, Dostyq, Qaıtpas-2 shaǵynaýdandaryndaǵy 60 myńǵa jýyq turǵyn qamtylady dep kózdelýde.
