8 مىڭنان استام الكوگول ونىمدەرى جويىلدى

1898
Adyrna.kz Telegram

شىمكەنتتە 8 مىڭ دانادان استام الكاگول ونىمدەرى جويىلدى. قالالىق ادىلەت دەپارتامەنتىنىڭ سوت ورىنداۋشىلارى ەكونوميكالىق تەرگەپ-تەكسەرۋ دەپارتامەنتى قىزمەتكەرلەرىمەن بىرلەسىپ «سينيايا گورا»، «قىزىلجار»، «ايدابۋلسكايا» ساۋدا بەلگىلەرىنىڭ زاڭسىز ونىمدەرىن جويدى. قۇزىرلىلار ارنايى تەكسەرۋلەر كەزىندە ايگىلى ماركالاردى پايدالانىپ، وڭاي ولجاعا قارق بولۋدى كوزدەگەن قالا تۇرعىنىنىڭ ارەكەتىن اشكەرلەگەن.

تەكسەرۋ شارالارى كەزىندە وڭاي جولمەن پايدا تاپقىسى كەلگەن پىسىقايدىڭ زاڭسىز اركەتىن ىسكە اسىرۋ ءۇشىن شاھار اۋماعىنداعى  عيماراتتاردىڭ بىرىنەن تسەح جالداعانى بەلگىلى بولدى. قالا تۇرعىنى قاجەتتى قۇرال-جابدىقتاردى  ينتەرنەت  جەلىسى ارقىلى ساتىپ الىپ وتىرعان. سايتتا ساۋدادا تۇرعان ەتيل ءسپيرتىن، اراق جاباتىن قۇرالدى، اراق بوتەلكەلەرىنىڭ قاقپاقتارىن، ەتيكەتكالارىن، قوراپتارى مەن اكتسيزدىك تاۋارلارعا جاپسىرىلاتىن ەسەپكە الۋ-باقىلاۋ ماركالارىن پايدالانىپ سپيرتتىك ونىمدەر جاساۋمەن اينالىسقان.

مەيرام مۇحتاروۆ ،  شىمكەنت قالاسى بويىنشا ادىلەت دەپارتامەنتىنىڭ ءبولىم باسشىسى:شىمكەنت قالاسى ەكونوميكالىق تەرگەپ-تەكسەرۋ دەپارتامەنتى ونىڭ زاڭسىز ءىس-ارەكەتتەرىن اشكەرەلەپ، تەرگەپ-تەكسەرۋ شارالارىن جۇرگىزگەن. ونىمدەر مەن ماركالاردى پايدالانىپ، ەتيكەتكالاردى الكاگولدىك ونىمدەرگە جابىستىرۋ ارقىلى ساتپاق بولعان.

سونىمەن قاتار ونىڭ جۇمىسقا ادامداردى، جۇك كولىگىن جالداعانى دا انىقتالدى. باستى سوت تالقىلاۋىندا سوتتالۋشى كىناسىن تولىق مويىنداعان. ەڭبەكشى اۋداندىق سوتىنىڭ ۇكىمىمەن ول قك 233-بابىنىڭ 2 بولىگىندە كوزدەلگەن قۇقىق بۇزۋشىلىقتى جاساعانى ءۇشىن كىنالى دەپ تانىلدى.

مەيرام مۇحتاروۆ ،  شىمكەنت قالاسى بويىنشا ادىلەت دەپارتامەنتىنىڭ ءبولىم باسشىسى: وعان 1 458 500 ء(بىر ملن ءتورت ءجۇز ەلۋ سەگىز مىڭ بەس ءجۇز) تەڭگە ايىپپۇل تۇرىندەگى جازا تاعايىندالدى.

زاڭسىز ونىمدەر قالاداعى ساۋلە مولتەكاۋدانىندا ورنالاسقان ۋاقىتشا ساقتاۋدا تۇرعان جەرىنەن الىندى. سالاعا جاۋاپتىلار ونىمدەردىڭ ەسەپ-قيسابىن شىعارىپ،  ولاردى قوقىس پوليگونىندا ارنايى تەحنيكامەن  كومەگىمەن سىندىرىپ، توپىراقپەن كومىپ،  جويىپ تاستادى.

 

م.رىسباەۆا

پىكىرلەر