شىمكەنت قالاسىنىڭ اكىم مۇرات ايتەنوۆتىڭ باستاماسىمەن قولعا الىنعان «تۇرعىندارعا جايلى جانە قولايلى ءومىر ءسۇرۋ ورتاسىن قالىپتاستىرۋ» تاپسىرماسى نەگىزىندە دوستىقتاعى تالايدان بەرى جىر بولعان جارىق ماسەلەسى تۇبەگەيلى شەشىمىن تاپتى. جالپى قالاداعى وزگە دە شاعىناۋدانداردىڭ ينفراقۇرىلىمدىق جاعدايى جاقسارىپ كەلەدى. ەلدىمەكەندەرگە سۋ، جارىق، كوگىلدىر وتىن تارتىلىپ، جولدار جوندەلۋدە. وسىدان ءۇش اي بۇرىن باستالعان دوستىق تۇرعىن الابىنداعى ەلەكتر جەلىلەرىن تارتۋ جۇمىستارىدا اياقتالۋعا جاقىن قالدى. بۇل جۇمىستاردىڭ ساپالى جۇرگىزىلۋىن باقىلاۋ ماقساتىندا قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى بورانباي بۋلاتبەكوۆ قۇرىلىس جۇمىستارىنىڭ بارىسىن ءوز باقىلاۋدا ۇستاۋدا.
تاسادا قالىپ كەتكەن تەمىر جولدىڭ ارعى بەتى، وسى ۋاقىتقا دەيىن ەلەكتر قۋاتىن ەسكى ترانسفورماتاردان الىپ كەلگەن. جارىقتىڭ بار دەگەن اتى بولماسا، جارىمايتىن كۇنىمىز كوپ، دەيدى جەرگىلىكتى تۇرعىندار. ال، جەكەنىڭ ترانسفورماتارىنا تەلمىرگەن حالىق بولسا، تولەگەن تەڭگەمىزگە ساپاسى مۇلدەم سايكەس كەلمەيدى، دەپ نالىپ وتىر.
مايرا قوجاگەلديەۆا - دوستىق تۇرعىن الابىنىڭ تۇرعىنى
دوستىق تۇرعىن الابىن ساپالى ەلەكتر قۋاتىمەن قامتۋ جۇمىسىن «جولسەرىك» جشس تاراپىنان بيىلعى جىلدىڭ ماۋسىم ايىندا باستالعان. قازىرگى ۋاقىتتا مۇندا 224 ەلەكتر باعاناسى ورناتىلىپ، 14 شاقىرىم ەلەكتر جەلىسى تارتىلىپ، جۇمىستىڭ 70 % اياقتالعان.
عازيز ارىن - «جولسەرىك» جشس-ءنىڭ باس ينجەنەرى
مۇنداعى قۇرىلىس جۇمىستارى جىل سوڭىنا دەيىن بەلگىلەنگەن. الايدا، مەردىگەر كومپانيا مەرزىمىنەن بۇرىن اياقتاۋدى جوسپارلاپ وتىر ەكەن. سودان كەيىن، «وڭتۇستىكجارىقترانزيت» جشس-مەن ءار ۇيگە جەكە ەسەپ شوت اشىپ، ەلەكتر قۋاتىنا قوسۋ جۇمىستارى جۇرگىزىلەتىن بولادى. ناتيجەسىندە دوستىق تۇرعىن الابىنداعى 234 وتباسى ساپالى ەلەكتر قۋاتىمەن قامتاماسىز ەتىلەدى دەپ كۇتىلۋدە.
ءنازيرا حۋسەنوۆا - دوستىق تۇرعىن الابىنىڭ ءبيى
ساپالى جارىق ماسەلەسى انە-مىنە شەشىلگەلى وتىرعان تۇرعىن الابتا كوشەلەردى جارىقتاندىرۋ بويىنشا اتقارىلاتىن جۇمىستار ۇزاققا سوزىلمايتىن شىعار دەپ تۇرعىندار ۇمىتتەنىپ وتىر. مۇنان وزگە تەمىر جولدىڭ ارعى بەتىندەگى حالىقتى مەكتەپ پەن بالاباقشانىڭ جايى دا ءجيى مازالاۋدا. سونداي-اق، تازالىق ماسەلەسىنە دە ءمان بەرىلسە ەكەن دەگەن تىلەكتەرىن جارىسا ايتىپ قالدى.
گ.اسقارقىزى
