قالامىزداعى جالپى اۆتوموبيل جولدارىنىڭ ۇزىندىعى 3247 شاقىرىمدى قۇرايدى. ونىڭ 632 شاقىرىمى ەڭبەكشى اۋدانىنا قاراستى. قازىرگى ۋاقىتتا اۋدانداعى 393,4 شاقىرىمعا اسفالت جول، 208,1 شاعال تاس بولسا، ال 30,5 شاقىرىم توپىراق جول بولىپ تابىلادى.
بيىل مۇندا 62,4 شاقىرىم اسفالت جولعا جوندەۋ جۇرگىزىلىپ، 13 شاقىرىم جولعا شاعال تاس توسەۋ جوسپارلانعان.
قالا اكىمىنىڭ ەڭبەكشى اۋدانىنا بارعان ساپارى كەزىندە جول بويىنشا اتقارىلعان جۇمىستاردى قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ە.جولداسوۆ باياندادى.
كۇردەلى جوندەۋ جۇمىستارىنا سايكەس، «كورپوراتسيا بەرەكە—ا» قۇرىلىس كومپانياسىنىڭ مەردىگەرلىگىمەن 17 كوشەگە، ياعني 6 شاقىرىم جول جوندەلىپ، تولىعىمەن پايدالانۋعا بەرىلگەن.
ورتاشا جوندەۋ جۇمىستارى بويىنشا جالپى سانى 40 شالعاي جانە ىشكى ورام كوشەلەرى، ياعني 50,2 شق جول جوندەۋدەن وتۋدە. ونىڭ ىشىندە 28 كوشە (70%) تولىعىمەن اياقتالعان، 9 سوتپەن توقتاتىلعان، ال 3 جۇمىس بارىسىندا. بۇل جۇمىستار جىل سوڭىنا دەيىن اياقتالماق.
اۋداننىڭ ماگيسترالدى كوشەلەرى - ج.شاياحمەتوۆ، اقنازار حان جانە ك.تسەتكين كوشەلەرىندە 46% جۇمىس اياقتالىپ، قازىرگى ۋاقىتتا سوتپەن توقتاتىلعان.
ال، قيىرشىق تاس توسەۋ جۇمىستارىن مەردىگەر مەكەمە «پريمەر-ستروي» جشس جۇرگىزدى. اۋدانعا قاراستى ەلامان، جۇلدىز، وڭتۇستىك جانە بادام شاعىن اۋداندارىنداعى 13 شاقىرىمدى قۇرايتىن 21 كوشەگە شاعال تاس توسەلدى.
2022 جىلعى جوسپار ەڭبەكشى اۋدانىنداعى ۇزىندىعى 111,4 شاقىرىم بولاتىن 44 كوشەگە اسفالت سالۋ جوسپارلانىپ وتىر.
