Qalamyzdaǵy jalpy avtomobıl joldarynyń uzyndyǵy 3247 shaqyrymdy quraıdy. Onyń 632 shaqyrymy Eńbekshi aýdanyna qarasty. Qazirgi ýaqytta aýdandaǵy 393,4 shaqyrymǵa asfalt jol, 208,1 shaǵal tas bolsa, al 30,5 shaqyrym topyraq jol bolyp tabylady.
Bıyl munda 62,4 shaqyrym asfalt jolǵa jóndeý júrgizilip, 13 shaqyrym jolǵa shaǵal tas tóseý josparlanǵan.
Qala ákiminiń Eńbekshi aýdanyna barǵan sapary kezinde jol boıynsha atqarylǵan jumystardy qalalyq jolaýshylar kóligi jáne avtomobıl joldary basqarmasynyń basshysy E.Joldasov baıandady.
Kúrdeli jóndeý jumystaryna sáıkes, «Korporaııa Bereke—A» qurylys kompanııasynyń merdigerligimen 17 kóshege, ıaǵnı 6 shaqyrym jol jóndelip, tolyǵymen paıdalanýǵa berilgen.
Ortasha jóndeý jumystary boıynsha jalpy sany 40 shalǵaı jáne ishki oram kósheleri, ıaǵnı 50,2 shq jol jóndeýden ótýde. Onyń ishinde 28 kóshe (70%) tolyǵymen aıaqtalǵan, 9 sotpen toqtatylǵan, al 3 jumys barysynda. Bul jumystar jyl sońyna deıin aıaqtalmaq.
Aýdannyń magıstraldy kósheleri - J.Shaıahmetov, Aqnazar han jáne K.etkın kóshelerinde 46% jumys aıaqtalyp, qazirgi ýaqytta sotpen toqtatylǵan.
Al, qıyrshyq tas tóseý jumystaryn merdiger mekeme «Prımer-Stroı» JShS júrgizdi. Aýdanǵa qarasty Elaman, Juldyz, Ońtústik jáne Badam shaǵyn aýdandaryndaǵy 13 shaqyrymdy quraıtyn 21 kóshege shaǵal tas tóseldi.
2022 jylǵy jospar Eńbekshi aýdanyndaǵy uzyndyǵy 111,4 shaqyrym bolatyn 44 kóshege asfalt salý josparlanyp otyr.
