مەملەكەت باسشىسى مىندەتتەگەن تاپسىرمالاردىڭ ورىندالۋىن باقىلاۋ ماقساتىندا بۇگىن شىمكەنت قالاسىنىڭ اكىمى مۇرات ايتەنوۆ ەڭبەكشى اۋدانىنا كەلدى. اۋداندا تۇرعىنداردىڭ جايلى ءومىر سۇرۋىنە جاعداي جاساۋ ءۇشىن جۇيەلى جۇمىستار اتقارىلىپ كەلەدى. قالا باسشىسى اۋدانداعى ينفراقۇرىلىم جۇمىستارىنىڭ بارىسىمەن تانىستى.
وندا ەڭبەكشى اۋدانىنىڭ اكىمى ەسىلبەك دوسبول اۋدان اۋماعىنداعى 35 شاعىناۋدان مەن تۇرعىن الاپتاردىڭ حالىق شوعىرلانعان نەگىزگى بولىگى اۋىز سۋ، ەلەكتر جارىعى، تابيعي گاز، جول ينفراقۇرىلىمدارىمەن قامتىلعانىن ءمالىم ەتتى. ونىڭ ايتۋىنشا، اۋدان اۋىز سۋمەن 94,4%-عا قامتىلعان بولسا، مەملەكەتتىك ەلەكتر جۇيەسىمەن قامتۋ كورسەتكىشى جىل قورىتىندىسىمەن 95,2%-عا، ال تابيعي گازبەن قامتۋ 86,4%-عا جەتكىزىلەدى ەكەن.
اۋدان تۇرعىندارىنىڭ اۋىز سۋ جۇيەسىمەن قامتىلماعان 5,6 پايىزى، ياعني، 8 تۇرعىن الاپتاعى جاڭا قۇرىلىس ۋچاسكەلەرىنە سۋ جۇيەسىن جۇرگىزۋ بويىنشا جوبالىق سمەتالىق قۇجات ازىرلەنۋدە. جوبالاۋشى مەكەمە «كونسترۋكتور-80» جشس-ءى بولىپ تابىلادى. ءتيىستى قۇجاتتار ءازىر بولعاندا اتالعان سەگىز ەلدى مەكەنگە سۋ كىرگىزۋ ءۇشىن قارجى بولۋگە ءوتىنىم بەرىلەدى. بۇل جۇمىستار كەلەر جىلدىڭ ەنشىسىندە.
2022-2023 جىلدارى قاراباستاۋ، جۇلدىز، بادام، وڭتۇستىك-جاڭاقۇرىلىس، قاراتوبە، توعىس، جىلانبۇزعان، ايناتاس-1 تۇرعىن الاپتارىنىڭ جاڭاقۇرىلىس بولىگىندەگى تۇرعىندارعا ساپالى سۋ جەتكىزىلەدى دەپ جوسپارلانۋدا.
