ۇلتتىڭ ساقتالۋىنا دا، جوعالۋىنا دا سەبەپ بولاتىن نارسەنىڭ قۋاتتىسى – ول ءتىلى. تىلگە قۇرمەت، ول تۋعان جەرگە دەگەن قۇرمەت، ەلگە، ۇلتقا دەگەن قۇرمەتى. مەملەكەت باسشىسى. جولداۋدا «اتا زاڭ بويىنشا قازاقستاندا ءبىر عانا مەملەكەتتىك ءتىل بار. بۇل - قازاق ءتىلى قازاق ءتىلىن دامىتۋ مەملەكەتتىك ساياستتىڭ باسىم باعىتىنىڭ ءبىرى بولىپ قالا بەرەدى. – دەپ اتاپ وتكەن بولاتىن. وعان قوسا وسىدان تۋرا 23 جىل بۇرىن قر پرەزيدەنتى نۇرسۇلتان ءابىشۇلى نازارباەۆتىڭ جارلىعىمەن 22 قىركۇيەك بولىپ جاريالانعان «قازاقستان حالقى تىلدەرى كۇنى» مەرەكەسى 2017 جىلدان باستاپ 5 قىركۇيەككە اۋىستى.
قازاقستان رەسپۋبليكاسىندا ءتىل ساياساتىن ىسكە اسىرۋ، مەملەكەتتىك ءتىلدىڭ قولدانۋ اياسىن كەڭەيتۋ، ءتىل مادەنيەتىن كوتەرۋ ماقساتىندا ۇيىمداستىرىلعان مەرەكەلىك شارالار، كارانتيندىك تالاپتاردى ساقتاي وتىرىپ وتكىزىلدى. ايتۋلى كۇنگە اتسالىسقان مادەنيەت سالاسىنىڭ قىزمەتكەرلەرى قالانىڭ "اباي" جانە "جەڭىس" ساياباقتارىمەن اربات اۋماعىندا تىلگە قۇرمەت كورسەتتى.
«اباي» ساياباعىندا وتكىزىلگەن "TilTime" مەرەكەلىك ءىس-شاراسى اياسىندا بالالار بورمەن سۋرەت سالىپ، سوزمەرگەن سايىسىندا سۇراقتارعا جاۋاپ بەردى. ال، لاتىنشا ءان شىرقاعان قوناقتار ءوز شەبەرلىكتەرىمەن كوپشىلىكتى ءتانتى ەتتى. سونداي-اق، "سويلەtime" سالتاناتتى شاراسى بارىسىندا ءتىل ۇيرەنۋشىلەر قازاق ءتىلى ساباعىن وتكىزسە، "قازتەست" باعدارلاماسى بويىنشا قىزىعۋشىلىق تانىتقاندار بىلىمدەرىن تەكسەرىپ تەست تاپسىرىپ، ديكتانت جازدى. مەرەكەلىك شاراعا ارنايى قوناق بولعان قالا اكىمىنىڭ ءبىرىنشى ورىنباسارى شىڭعىس مۇحاندا بەلسەندىلىك تانىتتى.
شىڭعىس مۇقان – شىمكەنت قالاسى اكىمىنىڭ ءبىرىنشى ورىنباسارى
مەرەكەلىك شارانىڭ ءبىر بولىگى "جەڭىس" ساياباعىندا ءوتتى. ء"تىل جانە ادەبيەت" اتتى كىتاپ كورمەسىن ۇيىمداستىرعان كىتاپحانالار "وقۋعا ءتيىس 10 كىتاپ", "جاڭا گۋمانيتارلىق ءبىلىم»، «قازاق تىلىندەگى 100 جاڭا وقۋلىق", "قازاقشا 100 بەستسەللەر" سەرياسىمەن شىققان كىتاپتاردى كوپشىلىك نازارىنا ۇسىندى. سونداي-اق، ايتۋلى كۇننىڭ اياسىندا تىلدىك تانىمدى ارتتىرىپ، جاسوسپىرىمدەرگە دۇرىس باعىت-باعدار بەرەتىن ء"تىلاشار" سوزدىگىنىڭ تۇساۋى كەسىلدى. سوزدىكتى قولىنا العان كارىس ۇلتىنىڭ وكىلى ................ كيم قانىم كارىس بولعانىمەن، جانىم قازاق، دەيدى.
پاۆەل كيم – ستۋدەنت
مادەنيەت، تىلدەردى دامىتۋ جانە ارحيۆتەر باسقارماسىنا قاراستى مادەنيەت ۇيلەرى دە بۇل كۇنى قاراپ قالمادى. "كۇلتەگىن", ء"ابۋ ناسىر ءال-فارابي", "اباي", "ىبىراي التىنسارين", «ناۋاي مەن بايقارا" قويىلىمدارىن قويعان تەاتر ۇجىمدارى كەلۋشى قالا تۇرعىندارى مەن قوناقتارىنا كەرەمەت كوڭىل كۇي سىيلادى.
حانزادا ەسەنوۆا – شىمكەنت قالالىق مادەنيەت، تىلدەردى دامىتۋ جانە ارحيۆتەر باسقارماسىنىڭ باسشىسى
وزگە ەتنوستاردىڭ مادەنيەتى مەن ءتىلىن قۇرمەتتەي وتىرىپ، مەملەكەتتىك ءتىلدىڭ قولدانىلۋ اياسىن كەڭەيتۋ جانە ونىڭ مارتەبەسى مەن ماڭىزىن ناسيحاتتاۋ ماقساتىندا وتكىزىلگەن ءىس-شاراعا ءتىل ماسەلەسىن كوتەرىپ جۇرگەن ءتىل جاناشىرلارى مەن قالا تۇرعىندارى دا قاتىستى. ارالارىندا بەلسەندىلىك تانىتىپ، ۇيىمداستىرىلعان ويىندارعا اتسالىسقان شىمكەنتتىكتەر ماراپاتتالدى.
گ.اسقارقىزى
