شىمكەنت قالالىق وپەرا جانە بالەت تەاترىنىڭ ۇجىمى نۇر-سۇلتاننان گاسترولدىك ساپاردان ورالدى. ارىپتەستەرى شىعارماشىل توپتى ەرەكشە ءسان-سالتاناتپەن قارسى الدى.
ونەرپازدار باس قالادا «دومالاق انا» وپەراسىن انشلاگپەن قويىپ قايتتى. ايتا كەتەيىك، تۋىندىدا قازاق تاريحىنداعى اتى اڭىزعا اينالعان ابىز انانىڭ وزىنە ءتان قاسيەتتى بەينەسى كورىنىس تاپقان. جاس قىز نۋريلانىڭ انا اتانىپ، وسيەت پەن رۋحاني قۇندىلىقتارعا جانە انالىق مەيىرگە تولى عۇمىرى ارقىلى انا ماحابباتى سۋرەتتەلگەن. تەاتر جەتەكشىلەرىنىڭ ايتۋىنشا، ەلوردالىق كورەرمەننىڭ ىقىلاسى دا ەرەكشە بولعان. قويىلىمنىڭ اسەرلى بولعانى سونشالىق، شىمكەنتتىك ۇجىمدى ەلىمىزدىڭ وزگە دە ايماقتارىنان كەلگەن ارىپتەستەرى قوناققا شاقىرىپتى. ال قىركۇيەك ايىنىڭ ورتاسىندا ءۇشىنشى مەگاپوليستە تەاتردىڭ ماۋسىماشار سالتاناتى وتەدى، دەپ جوسپارلانىپ وتىر
مايرا مۇحامەدقىزى، شىمكەنت وپەرا جانە بالەت تەاترىنىڭ ديرەكتورى: «استانا وپەرا تەاترىنداعى قويىلىمىمىز كەرەمەت ءوتتى. ەلوردالىقتار قوناقجايلىلىق تانىتتى. قالا تۇرعىندارى مەن قوناقتارى، ۇكىمەت مۇشەلەرى مەن باسقا دا لاۋازىمدى تۇلعالار وپەرانى تاماشالاپ، جاقسى باعالادى. ال استانا تەاترىنىڭ ۇجىمى بىزگە اسقان قوشەمەت كورسەتىپ، "دومالاق انا" وپەراسىن ساحنالاۋعا، دايىندىققا كومەكتەستى. ءبىزدىڭ تەاتر مۇنداي جوعارى دارەجەلى گاسترولگە العاش رەت شىعىپ وتىر، جاۋاپكەرشىلىگى جوعارى ميسسيانى ويداعىداي ورىندادىق دەگەن سەنىمدەمىز»
م.رىسباەۆا
