شىمكەنتتە اعىمداعى جىلى 45 جوبانى جۇزەگە اسىرۋ ءۇشىن كەلىسىم-شارت جاسالعان. وسى ورايدا، ءىستىڭ باسى قاسىندا جۇرگەن «SHYMKENT» اكك ينۆەستور تارتۋدا بيىلعى جىلدىڭ كورسەتكىشى قۋانتارلىق ەكەنىن جەتكىزدى. كوبىندە ءۇي قۇرىلسىنا قىزىعۋشىلىق تۋىندايتىن كورىنەدى.
ءدال قازىرگى تاڭدا «Shymkent «اكك» جەكە ينۆەستورلارمەن بىرلەسىپ، جالپى سوماسى 527,5 ملرد.تەڭگەگە 45 ينۆەستيتسيالىق جوبانى ىسكە اسىرۋ بويىنشا جۇمىستار جۇرگىزىلىپ جاتىر ەكەن. ونىڭ 22 جوباسى بويىنشا جەر ۋچاسكەلەرىنە قۇقىق بەرىلسە، قالعان 23 جوبا قۇقىق بەرىلۋ ساتىسىندا ەكەنىن باسقارما توراعاسى باۋىرجان كانكين مالىمدەدى.
باۋىرجان كانكين - «Shymkent «اكك» باسقارما توراعاسى
ەلىمىزدەگى ءۇشىنشى مەگاپوليسكە تارتىلعان ينۆەستورلاردىڭ كوبىسى تۇرعىن ءۇي سالاسىنا قىزىعۋشىلىق تانىتاتىن كورىنەدى. بۇل سالادى جالپى ينۆەستيتسيا سوماسى 495 ملرد تەڭگە ال، جالپى قۋاتى 1 769 589 شارشى مەتر بولاتىن كوپ قاباتتى تۇرعىن ءۇي قۇرىلىسىنىڭ 25 وبەكتىسىن سالۋ جوسپارلانۋدا ەكەن. كوپقاباتتى تۇرعىن ءۇي قۇرىلىسى سالاسىنداعى ينۆەستورلار قاتارىندا ءىرى كومپانيالار بار.
باۋىرجان كانكين - «Shymkent «اكك» باسقارما توراعاسى
«Shymkent «الەۋمەتتىك-كاسىپكەرلىك كورپوراتسياسى»-مەن بىرلەسىپ ىسكە اسقان ينۆەستيتسيالاردىڭ جالپى سوماسى 387 ملرد تەڭگەدەن اسىپ وتىر ەكەن. بۇل وتكەن جىلمەن سالىستىرعاندا ءۇش ەسە كوپ، دەيدى باۋىرجان كانكين. وسى ورايدا، جالپى ءبىلىم بەرەتىن مەكتەپتەردىڭ قۇرىلىسى بويىنشا جوبالار قاتارى 13 ينۆەستيتسيالىق جوبانى قۇراپ، جالپى ينۆەستيتسيا سوماسى 25,9 ملرد.تەڭگە توڭىرەگىندە. جەكەمەنشىك ارىپتەستىك اياسىندا سالىنعان مەكتەپتەر قاجەتتىلىكتى 54 پايىزعا وتەۋگە قاۋقارلى. بيىلدىڭ وزىندە 1600 وقۋشىنىڭ ورنىن جاپتى. ال، 5 جىلدان بەرى ەلتاي بالالارىنا مەكتەپ كەرەك دەپ، جۋرناليستەردىڭ جارعاق قۇلاعى جاستىققا تيمەي ءجۇر. حالىق جاۋاپتىلاردىڭ قۇرعاق ۋادەسىنە ابدەن تويعان. ەندى بۇل ماسەلەنى الەۋمەتتىك كاسىپكەرلىك كورپوراتسياسى ءوز باقىلاۋىنا الماق.
ەرلان قاتتابەكوۆ - «Shymkent «الەۋمەتتىك-كاسىپكەرلىك كورپوراتسياسى» اق باسقارما توراعاسىنىڭ ورىنباسارى
ال، دەنساۋلىق ساقتاۋ سالاسىندا ينۆەستيتسيا جالپى سوماسى 9,5 ملرد تەڭگەگە جانە جالپى قۋاتى كۇنىنە 3500 ادام قابىلدايتىن 8 دەنساۋلىق ساقتاۋ نىسانىنىڭ قۇرىلىسى بويىنشا ينۆەستيتسيالىق جوبالاردى ىسكە اسىرۋ بويىنشا جۇمىستار جۇرگىزۋدە.
گ.اسقارقىزى
