شىمكەنت قالاسىنىڭ اكىمى مۇرات ايتەنوۆ «ساۋلە» شاعىناۋدانى 276 ورامدا جارىق جانە سۋ جۇيەلەرىنىڭ جاعدايىمەن تانىستى.
ساۋلە شاعىناۋدانى 276 ورامعا جەكە تۇرعىن ءۇي سالۋ ءۇشىن 600 جەر تەلىمى بەرىلگەن. بۇگىنگى تاڭدا 350 تۇرعىن ءۇي قۇرىلىسى جۇرگىزىلگەن. حالىق سانى – 526 ادام. اتالعان اۋماقتى ساپالى اۋىز سۋمەن قامتاماسىز ەتۋ ءۇشىن دەمەۋشىلەر تاراپىنان 2020 جىلى 350 مەترگە جۋىق سۋ قۇبىرىنىڭ قازبا جۇمىستارى جۇرگىزىلىپ، ساپالى اۋىز سۋ جۇيەسى تۇرعىندار يگىلىگىنە پايدالانۋعا بەرىلدى.
2020 جىلى 276 ورامدى ەلەكتر جۇيەسىمەن قامتاماسىز ەتۋ ماقساتىندا دەمەۋشىلەر تاراپىنان 25 باعانا، 2 شاقىرىم سىم جانە قۋاتتىلىعى 160 كۆت كوتەرەتىن ترانسفورماتور ورناتىلىپ، 150-گە جۋىق جەكە تۇرعىن ۇيلەر ەلەكتر قۋاتىمەن قامتاماسىز ەتىلدى.
سونىمەن قاتار، 276 ورامدى تولىقتاي اۋىز سۋمەن قامتۋ ءۇشىن مەملەكەتتىك ساتىپ الۋ كونكۋرسى وتكىزىلىپ، جەڭىمپاز مەردىگەر مەكەمە «اگات» جشس-مەن 532,5 ملن. تەڭگەگە كەلىسىمشارت تۇزىلگەن. قۇرىلىس جۇمىستارى 2021 جىلدىڭ ماۋسىم ايىندا باستالىپ، قاراشا ايىنا دەيىن اياقتاۋ جوسپارلانعان. ەلەكتر جارىعىمەن تولىق قامتاماسىز ەتۋ ماقساتىندا مەملەكەتتىك ساتىپ الۋ كونكۋرسى وتكىزىلىپ، قازىرگى تاڭدا جەڭىمپاز مەردىگەر مەكەمە «اقسەمسەر-سترويسەرۆيس» جشس-مەن 982,4 ملن تەڭگەگە كەلىسىمشارت ءتۇزىلدى. اتالعان جۇمىستار 2022 جىلدىڭ ءى توقسانىندا اياقتالادى..
ساۋلە شاعىناۋدانى 276 ورامدى تابيعي گازبەن قامتاماسىز ەتۋ ءۇشىن شىمكەنت قالاسىنىڭ ەنەرگەتيكا جانە ينفراقۇرىلىمدى دامىتۋ باسقارماسى تاراپىنان جسق دايىندالىپ، قارجى ءبولۋ ءۇشىن بيۋدجەتتىك ءوتىنىم ەنگىزىلگەن. 276 ورام 2022 جىلى تولىق تابيعي گازبەن قامتىلاتىن بولادى.
سونىمەن قاتار، توپىراق جولداردىڭ سانىن ازايتۋ ماقساتىندا 2020 جىلى 4,9 شاقىرىم جولعا (4 كوشە) شاعال تاس توسەلدى. اتالعان كوشەلەرگە 2022 جىلى اسفالت توسەۋ جۇمىستارى جۇرگىزىلەدى.
قالا اكىمى 276 ورام تۇرعىندارىمەن كەزدەسۋدە جاسالىپ جاتقان جۇمىستاردىڭ ساپاسىن تەكسەرۋ مەن قاداعالاۋ بارىسىندا بەلسەندىلىك تانىتۋلارىن ءوتىندى.
