Shymkent qalasynyń ákimi Murat Áıtenov «Sáýle» shaǵynaýdany 276 oramda jaryq jáne sý júıeleriniń jaǵdaıymen tanysty.
Sáýle shaǵynaýdany 276 oramǵa jeke turǵyn úı salý úshin 600 jer telimi berilgen. Búgingi tańda 350 turǵyn úı qurylysy júrgizilgen. Halyq sany – 526 adam. Atalǵan aýmaqty sapaly aýyz sýmen qamtamasyz etý úshin demeýshiler tarapynan 2020 jyly 350 metrge jýyq sý qubyrynyń qazba jumystary júrgizilip, sapaly aýyz sý júıesi turǵyndar ıgiligine paıdalanýǵa berildi.
2020 jyly 276 oramdy elektr júıesimen qamtamasyz etý maqsatynda demeýshiler tarapynan 25 baǵana, 2 shaqyrym sym jáne qýattylyǵy 160 kVt kóteretin transformator ornatylyp, 150-ge jýyq jeke turǵyn úıler elektr qýatymen qamtamasyz etildi.
Sonymen qatar, 276 oramdy tolyqtaı aýyz sýmen qamtý úshin memlekettik satyp alý konkýrsy ótkizilip, jeńimpaz merdiger mekeme «Agat» JShS-men 532,5 mln. teńgege kelisimshart túzilgen. Qurylys jumystary 2021 jyldyń maýsym aıynda bastalyp, qarasha aıyna deıin aıaqtaý josparlanǵan. Elektr jaryǵymen tolyq qamtamasyz etý maqsatynda memlekettik satyp alý konkýrsy ótkizilip, qazirgi tańda jeńimpaz merdiger mekeme «Aqsemser-stroıservıs» JShS-men 982,4 mln teńgege kelisimshart túzildi. Atalǵan jumystar 2022 jyldyń I toqsanynda aıaqtalady..
Sáýle shaǵynaýdany 276 oramdy tabıǵı gazben qamtamasyz etý úshin Shymkent qalasynyń energetıka jáne ınfraqurylymdy damytý basqarmasy tarapynan JSQ daıyndalyp, qarjy bólý úshin bıýdjettik ótinim engizilgen. 276 oram 2022 jyly tolyq tabıǵı gazben qamtylatyn bolady.
Sonymen qatar, topyraq joldardyń sanyn azaıtý maqsatynda 2020 jyly 4,9 shaqyrym jolǵa (4 kóshe) shaǵal tas tóseldi. Atalǵan kóshelerge 2022 jyly asfalt tóseý jumystary júrgiziledi.
Qala ákimi 276 oram turǵyndarymen kezdesýde jasalyp jatqan jumystardyń sapasyn tekserý men qadaǵalaý barysynda belsendilik tanytýlaryn ótindi.
