ەلباسىنىڭ «رۋحاني جاڭعىرۋ» باعدارلاماسى اياسىندا «جومارت جۇرەك» جوباسى قولعا الىنعان بولاتىن. اتالعان جوبا شىمكەنتتە جالعاسىن تاۋىپ، تۋعان ولكەنى دامىتۋعا ۇلەس قوسقان ازاماتتار انىقتالدى. بۇگىن اباي اۋدانىندا وسىنداي جاناشىر جانداردى سالتاناتتى ماراپاتتاۋ ءراسىمى ءوتتى. شاراعا اۋدان اكىمى بۇحارباي پارمانوۆ قاتىسىپ، جەڭىمپازدارعا العىسىن ءبىلدىردى.
اتالعان شارا الدىمەن پرەزيدەنتىمىز قاسىم-جومارت توقاەۆتىڭ جولداۋىن تىڭداۋدان باستالدى. ودان كەيىن ەلگە ەڭبەگى سىڭگەن ازاماتتاردى ماراپاتتاۋمەن جالعاستى. وسى ورايدا ارقاشاندا حالىقتىڭ مۇڭ-مۇقتاجىن بيلىككە جەتكىزىپ جۇرگەن حالىق قالاۋلىسى قۋانىش داۋلەتاليەۆ تە بۇل نوميناتسيادان كەندە قالمادى. از قامتىلعان كوپبالالى وتباسىلارعا جەتىم بالالار مەن مۇگەدەكتەرگە، ۇلى وتان سوعىسىنىڭ ارداگەرلەرىنە، كومەك كورسەتكەنى ءۇشىن «تۋعان ولكە» نوميناتسياسى بويىنشا ماراپاتتالدى.
قۋانىش داۋلەتاليەۆ – شىمكەنت قالالىق ماسليحاتىنىڭ دەپۋتاتى
شارادا وڭىردە ازاماتتىق ۇستانىمى مەن ءارتۇرلى باعىتتاعى اۋقىمدى قايىرىمدىلىق قىزمەتى ءۇشىن «جىل مەتسەناتى»، «جىل تۇلعاسى»، «تۋعان ولكە»، «جىلدىڭ ۇزدىك قامقورشىسى» جانە «جىلدىڭ ۇزدىك ۇيىمى» نوميناتسيا جەڭىمپازدارى انىقتالدى. اۋدان اكىمىنىڭ ورىنباسارى بۇل ءىس-شارا الداعى ۋاقىتتا دا جالعاساتىنىن جەتكىزدى.
نۇرلان تىلەش – اباي اۋدانى اكىمىنىڭ ورىنباسارى
ءيا، جومارتتىقتىڭ نەگىزگى وزەگى – قايىرىمدىلىق. جوقتىقتىڭ تاۋقىمەتىن تارتىپ، باردىڭ بايلىعىنا مۇقتاج جاندار بار قوعامدا. مۇندايدا دانا قازاق «كەڭ ادامنىڭ كۇنىنە ءبىر ءۇيى كەڭيدى، تار ادامنىڭ كۇنىنە ءبىر ءۇيى كەميدى» دەپ ءبىراۋىز سوزبەن كەڭ پەيىلدى ادامنىڭ كەمىمەيتىنىن ونەگە ەتكەن. بۇل باعىتتا جۇزەگە اسىپ جاتقان «جومارت جۇرەك» جوباسىنىڭ بەرەرى مول.
ايدانا قۋانىشقىزى
