ايەلىن ورتەپ جىبەرگەن ەر ادام ءولىم جازاسىنا كەسىلدى

4902
Adyrna.kz Telegram

قىتاي سوتى تان لۋ ەسىمدى ەر ادامدى ءولىم جازاسىنا كەستى. ول ءوزىنىڭ بۇرىنعى ايەلىنىڭ ۇستىنە جانار-جاعارماي قۇيىپ، تىرىدەي ورتەپ جىبەرگەن، دەپ حابارلايدى "ادىرنا" ۇلتتىق پورتالى  "BBC" اقپاراتتىق اگەتتىگىنە سىلتەمە جاساپ.

سىچۋان پروۆينتسياسىنىڭ نگاۆا-تيبەت-تسيانسك اۆتونوميالىق وكرۋگىندەگى سوت تان لۋدى بۇرىنعى ايەلىنىڭ ولىمىنە كىنالى دەپ تانىپ، سوتتالۋشىنىڭ قىلمىستىق ارەكەتىن "ناعىز جاۋىزدىق" دەپ باعالادى جانە ونىڭ كوپشىلىككە جاعىمسىز اسەر ەتكەنىن باسا ايتتى.

اتالعان قىلمىس قىتايداعى تۇرمىستىق زورلىق-زومبىلىق ماسەلەسىن اشىق كورسەتتى. بۇكىلقىتاي ايەلدەر فەدەراتسياسىنىڭ دەرەكتەرىنە سايكەس، ەلدەگى ءاربىر ءتورتىنشى ايەل تۇرمىستىق زورلىق-زومبىلىقتى باسىنان وتكەرۋدە. ۇيىمنىڭ مالىمەتىنشە، ءار 7,4 سەكۋند سايىن قىتايدا كەم دەگەندە ءبىر ايەل ونىڭ قۇربانىنا اينالادى.

ەلدەگى بۇل پروبلەما قىتاي بيلىگىنە دە، ونىمەن بىرنەشە رەت كۇرەسۋگە ۋادە بەرگەن قۇقىق قورعاۋ ورگاندارىنا دا بەلگىلى بولعانىنا قاراماستان، كوپتەگەن ايەل ۇنەمى قاۋىپ-قاتەرگە دۋشار بولادى.

بۇرىنعى كۇيەۋىنىڭ قولىنان قازا تاپقان لاما دا بۇعان دەيىن بىرنەشە مارتە پوليتسياعا شاعىم تۇسىرگەن، الايدا قۇقىق قورعاۋ ورگاندارى ەش شارا قولدانباعان.

لاما الەۋمەتتىك جەلىنىڭ بەلسەندى قولدانۋشىسى بولعان. تيبەتتىك كەلىنشەكتىڭ تيك-توكتاعى وقىرماندار سانى ءجۇز مىڭنان اسىپ جىعالادى.

ول اتالعان پلاتفورمادا وپتيميستىك پوستارمەن تانىمال بولدى. وندا لاما اۋىلدىڭ تىرشىلىگىن كورسەتىپ، تاۋلاردا سەرۋەندەپ، ءتۇرلى شوپتەر جيناپ، تاماق دايىنداپ، فونوگراممامەن اندەر ورىنداعان. ول مۇنىڭ ءبارىن تيبەتتىڭ ۇلتتىق كوستيۋمىندە جانە ماكياجسىز تۇسىرگەن. الايدا وقىرماندار ونىڭ بۇرىنعى كۇيەۋىنەن قىسىم كورىپ جۇرگەنىن بىلمەگەن.

وتكەن جىلدىڭ قىركۇيەك ايىنىڭ باسىندا لاما اكەسىنىڭ ۇيىندەگى اس ۇيدەن تىكەلەي ەفيرگە شىققان كەزدە كەنەتتەن كادردا ونىڭ بۇرىنعى كۇيەۋى پايدا بولعان. ەر ازاماتتىڭ دورەكى داۋىسى بارلىق وقىرماندارعا ەستىلگەن.

كەيىنىرەك لامانىڭ اۋرۋحانا رەانيماتسياسىنا ءتۇسىپ، ونىڭ دەنەسىنىڭ 90 پايىزىن كۇيىك شالعانى بەلگىلى بولدى. تۋىستارى ونىڭ دەنەسى «كومىر قالدىعى» سياقتى بولىپ قالعانىن ايتتى. ال ەكى اپتادان كەيىن ايەل كوز جۇمدى.

"ادىرنا" ۇلتتىق پورتالى.

پىكىرلەر