Áıelin órtep jibergen er adam ólim jazasyna kesildi

4903
Adyrna.kz Telegram

Qytaı soty Tan Lý esimdi er adamdy ólim jazasyna kesti. Ol óziniń burynǵy áıeliniń ústine janar-jaǵarmaı quıyp, tirideı órtep jibergen, dep habarlaıdy "Adyrna" ulttyq portaly  "BBC" aqparattyq agettigine silteme jasap.

Sychýan provınııasynyń Ngava-Tıbet-ıansk avtonomııalyq okrýgindegi sot Tan Lýdy burynǵy áıeliniń ólimine kináli dep tanyp, sottalýshynyń qylmystyq áreketin "naǵyz jaýyzdyq" dep baǵalady jáne onyń kópshilikke jaǵymsyz áser etkenin basa aıtty.

Atalǵan qylmys Qytaıdaǵy turmystyq zorlyq-zombylyq máselesin ashyq kórsetti. Búkilqytaı áıelder federaııasynyń derekterine sáıkes, eldegi árbir tórtinshi áıel turmystyq zorlyq-zombylyqty basynan ótkerýde. Uıymnyń málimetinshe, ár 7,4 sekýnd saıyn Qytaıda kem degende bir áıel onyń qurbanyna aınalady.

Eldegi bul problema qytaı bıligine de, onymen birneshe ret kúresýge ýáde bergen quqyq qorǵaý organdaryna da belgili bolǵanyna qaramastan, kóptegen áıel únemi qaýip-qaterge dýshar bolady.

Burynǵy kúıeýiniń qolynan qaza tapqan Lama da buǵan deıin birneshe márte polıııaǵa shaǵym túsirgen, alaıda quqyq qorǵaý organdary esh shara qoldanbaǵan.

Lama áleýmettik jeliniń belsendi qoldanýshysy bolǵan. Tıbettik kelinshektiń tık-toktaǵy oqyrmandar sany júz myńnan asyp jyǵalady.

Ol atalǵan platformada optımıstik postarmen tanymal boldy. Onda Lama aýyldyń tirshiligin kórsetip, taýlarda serýendep, túrli shópter jınap, tamaq daıyndap, fonogrammamen ánder oryndaǵan. Ol munyń bárin Tıbettiń ulttyq kostıýminde jáne makııajsyz túsirgen. Alaıda oqyrmandar onyń burynǵy kúıeýinen qysym kórip júrgenin bilmegen.

Ótken jyldyń qyrkúıek aıynyń basynda Lama ákesiniń úıindegi as úıden tikeleı efırge shyqqan kezde kenetten kadrda onyń burynǵy kúıeýi paıda bolǵan. Er azamattyń dóreki daýysy barlyq oqyrmandarǵa estilgen.

Keıinirek Lamanyń aýrýhana reanımaııasyna túsip, onyń denesiniń 90 paıyzyn kúıik shalǵany belgili boldy. Týystary onyń denesi «kómir qaldyǵy» sııaqty bolyp qalǵanyn aıtty. Al eki aptadan keıin áıel kóz jumdy.

"Adyrna" ulttyq portaly.

Pikirler