شىمكەنتتىك زەينەتكەر تۇركىستانعا ۆەلوسيپەدپەن جەتپەك

1867
Adyrna.kz Telegram

شىمكەنتتىك زەينەتكەر تۇركىستان قالاسىنا ەكولوگيالىق تازا كولىكپەن جەتپەك. 81 جاستاعى كەڭەسبەك سەيدىنبەكۇلى بۇل ساپارىن ەل تاۋەلسىزدىگىنىڭ 30 جىلدىعىنا ارناپ وتىر. بەلسەندى اقساقالدى پەرزەنتتەرى، نەمەرە-شوبەرەلەرى مەن قالالىق سپورت باسقارماسىنىڭ وكىلدەرى، جاستار شىعارىپ سالدى.

زەينەتكەر تۇركىستان قالاسىنا تەمىرلان، قىزىل كوپىر، ءشاۋىلدىر ەلدىمەكەندەرى ارقىلى جەتۋدى جوسپارلاعان. جولاي قاجىمۇقان كەسەنەسىنە سوعىپ، جەرگىلىكتى تۇرعىندارمەن جۇزدەسپەك. وسىلايشا 220 شاقىرىم جولدى ۆەلوسيپەدپەن باسىپ ءوتىپ، تۇركىستان قالاسىنا سەنبى كۇنى جەتۋدى كوزدەپ وتىر.

– ۆەلوسيپەد تەۋىپ كەلە جاتقانىما 70 جىلدان استى. 10 جاسىمدا اكەمنىڭ ءىنىسى جولىمبەك ۆەلوسيپەد سىيلاپ، اق باتاسىن بەرگەن ەدى. سودان بەرى سالاۋاتتى ءومىر سالتىن ۇستانامىن. جاستار دا بەلسەندى بولسا ەكەن دەيمىن. ال باستى تىلەگىم – شىمكەنت سياقتى ءىرى قالالاردىڭ حالقى جەرگىلىكتى باسشىلاردىڭ باستاماسىمەن ءار جەكسەنبىنى ۆەلوسيپەدكە ارناپ، بۇقارالىق سپورتپەن اينالىسسا، – دەيدى كەڭەسبەك اقساقال.

جيھانكەز ەڭ العاشقى الىس ساپارىنا 2001 جىلى شىققان. تۇركىستاننىڭ 1500 جىلدىعىنا وراي وزبەكستان، تۇركمەنستان، يران، يراك، كۋۆەيت ارقىلى مەككە-ماديناعا 63 كۇندە جەتكەن. 2003 جىلى قازاقستان-رەسەي جىلىنا ورايلاستىرىپ شىمكەنتتەن ماسكەۋگە بارسا، 2016 جىلى قازاقستان تاۋەلسىزدىگىنىڭ 25 جىلدىعى قارساڭىندا شىمكەنتتەن اۋعانستان استاناسى كابۋلعا ەكى دوڭگەلەكتى كولىگىمەن جەتكەن ەكەن. ال 2017 جىلى «ەكسپو» قۇرمەتىنە شىمكەنت–استانا باعىتىن باعىندىرعان.

پىكىرلەر