"مەن قاۋىپسىز جاعدايدامىن"

2557
Adyrna.kz Telegram

"مەن قاۋىپسىز جاعدايدامىن". كوۆيدكە قارسى ۆاكتسينا سالدىرعان قالا تۇرعىندارىنا جاس ەرىكتىلەر وسىنداي جازۋمەن بىلەزىك سىيعا تارتتى. مۇنداي ەرەكشە ءىس-شارا ءبىر مەزەتتە قالاداعى ءۇش ەمحانادا ءوتتى.

قالا دەڭگەيىندە وتكەن ءىس-شارا بارىسىندا ەرىكتىلەر 200 ازاماتقا وسىنداي بىلەزىك تاراتىپ بەردى. ۇيىمداستىرۋشىلار وسىلايشا ەكپە العان تۇرعىنداردىڭ قوعامعا قاۋىپسىز ەكەنىن كوپشىلىككە تۇسىندىرگىسى كەلدى.

«ۆاكتسينا سالدىرعان سوڭ 7 كۇننەن كەيىن يممۋنيتەت پايدا بولادى. اۋرۋ جۇقتىرعاننىڭ وزىندە ۆاكتسينا سالدىرعان ادام ونى جەڭىل وتكىزەدى. مۋتاتسياعا ۇشىراعان كوروناۆيرۋس اسا قاۋىپتى، ايتسە دە ۆاكتسينانىڭ كۇشى ۆيرۋستىڭ اسەرىن ازايتادى. كوروناۆيرۋسقا قارسى ۆاكتسينا قابىلداۋ – ءومىرىڭدى ساقتايدى»، – دەيدى ءىس-شاراعا قاتىسقان دارىگەر-ينفەكتسيونيست جانايىم پولات.

ايتا كەتەيىك، ەگۋ ناۋقانى باستالعالى بەرى قالادا 521 078 ادام ۆاكتسينا الدى. ونىڭ ىشىندە 420 725 ادام ۆاكتسينانىڭ ەكى كومپونەنتىن الدى. قازىرگى تاڭدا قالاداعى ەپيدەميالوگيالىق جاعداي تۇراقتالىپ كەلەدى. دەگەنمەن، مەديتسينا ماماندارى بوساڭسۋعا بولمايتىنىن ەسكەرتۋدە. بارىنشا ساقتىق شارالارىن ساقتاپ، كارانتين رەجيمىن قاتاڭ ۇستانۋعا شاقىرادى.

پىكىرلەر