مەملەكەتتىك قىزمەتشىگە ىسكەرلىكپەن بىرگە ادالدىق قاسيەتتەرىنىڭ بولۋى ماڭىزدى

2860
Adyrna.kz Telegram

شىمكەنت قالاسى بويىنشا كولىكتىك باقىلاۋ ينسپەكتسياسى قىزمەتكەرلەرىمەن سىبايلاس جەمقورلىققا قارسى ءىس-قيمىل ماسەلەلەرى تالقىلانعان جيىن ءوتتى.

شاراعا سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ باس مامانى ج.ءالجانوۆا، مەملەكەتتىك قىزمەت ىستەرى اگەنتتىگىنىڭ قالالىق دەپارتامەنتىنىڭ باس مامانى د.جانىسبەك، قالالىق اقپاراتتىق-اعارتۋشىلىق شتابىنىڭ مۇشەسى، قۇرمەتتى مەملەكەتتىك قىزمەتشى ب.يباتوۆا مەن ينسپەكتسيا باسشىلىعى مەن قىزمەتكەرلەرى قاتىستى.
كەزدەسۋ بارىسىندا مەملەكەتتىك قىزمەت، سىبايلاس جەمقورلىققا قارسى ءىس-قيمىلدى كۇشەيتۋ جونىندە كەزەڭ-كەزەڭىمەن قابىلدانعان زاڭنامالىق شارالار، قىزمەتتىك ادەپ نورمالارى بويىنشا اقپارات بەرىلدى.
سونىمەن قاتار، قاتىسۋشىلارعا ىسكەرلىكپەن بىرگە ادالدىق، پاراساتتىلىق قاسيەتتەرىنىڭ بولۋ ماڭىزدىلىعى، جۇمىس كۇنى اياقتالعاننان كەيىن مەملەكەتتىك قىزمەتشىلەردىڭ جۇمىس ورنىندا كىدىرىسىن، دەمالىس كۇندەرى جۇمىسقا شىعارۋ پراكتيكاسىن توقتاتۋ جايى ايتىلدى.
شارا سوڭىندا ازاماتتار سىبايلاس جەمقورلىق فاكتىلەرى تۋرالى تىكەلەي دەپارتامەنتكە نەمەسە Call-ورتالىعىنا حابارلاسا الاتىندىعى ايتىلدى.
اقپاراتتىڭ دۇرىستىعى، سونداي-اق زاڭدى كۇشىنە ەنگەن سوت ۇكىمى بولعان كەزدە ولار اقشالاي سىياقىلارمەن كوتەرمەلەنەدى.
جالپى قالادا وتىنىشتەر بويىنشا سىبايلاس جەمقورلىق قۇقىق بۇزۋشىلىقتارىنىڭ جولىن كەسۋگە ىقپال ەتكەن 11 تۇلعا كوتەرمەلەندى. ولاردىڭ سىياقى مولشەرى 2 ملن.تەنگە شاماسىندا سومانى قۇراپ وتىر.

پىكىرلەر