جاپون عالىمدارى بۇرىن بەلگىسىز ينفەكتسيا تۋدىرعان جاڭا اۋرۋدى تاپتى. ماماندار انىقتاي العان "يەزو" دەپ اتالاتىن جاڭا ۆيرۋس كەنە شاققاندا جۇعاتىنىن انىقتادى. بۇل زەرتتەۋ ناتيجەلەرى Nature Communications جۋرنالىندا جاريالانعان.
2014 جىلى جاپونيادا بەلگىسىز پاتوگەندى جۇقتىرۋدىڭ العاشقى جاعدايلارى تىركەلگەن. ال 2020 جىلعا دەيىن ۇقساس بەلگىلەرى بار جەتى ناۋقاس اۋرۋحاناعا تۇسكەن ەدى. اۋرۋدىڭ بەلگىسى دەنە قىزۋىنىڭ جوعارىلاۋىمەن سيپاتتالدى، ناۋقاستاردىڭ قانىندا لەيكوتسيتتەر مەن ترومبوتسيتتەر سانى ازايىپ كەتەدى.
جاپون زەرتتەۋشىلەرى ەكى ناۋقاستىڭ قان ۇلگىلەرىنەن ۆيرۋستى ءبولىپ الىپ، قاراستىرعان. عالىمدار جۇقتىرعان ادامنىڭ قانى Ortonairovirus تەكتەس بۇرىن بەلگىسىز قوزدىرعىشى بار ەكەنىن انىقتادى. بۇل تۇرگە سونىمەن قاتار كونگو-قىرىم گەمورراگيالىق قىزباسىنىڭ ۆيرۋسى كىرەدى.
2019 جىلى كەنە شاققان سوڭ دەنە قىزۋى كوتەرىلگەن حوككايدو ارالىنداعى اۋرۋحاناعا ەكى ناۋقاس جەتكىزىلگەن. قان ءاناليزى كەنە شاققان ادامدارعا بەلگىسىز ۆيرۋس جۇققانىن كورسەتتى. وسىدان كەيىن عالىمدار 2014 جىلدان بەرى ۇقساس بەلگىلەرى بار ناۋقاستاردىڭ قان ۇلگىلەرىن قايتا تەكسەردى. زەرتتەۋشىلەر "يەزو" ينفەكتسياسىنىڭ جەتى جاعدايىن انىقتادى.
ۆيرۋستىڭ كوزىن انىقتاۋ ءۇشىن زەرتتەۋشىلەر وسى ايماقتاعى جابايى جانۋارلاردان الىنعان ۇلگىلەردى سكرينينگتەن وتكىزدى. ۆيرۋستىڭ نەگىزگى كوزى كەنە ەكەنى انىقتالۋدا.
"ادىرنا" ۇلتتىق پورتالى
