Japon ǵalymdary buryn belgisiz ınfekııa týdyrǵan jańa aýrýdy tapty. Mamandar anyqtaı alǵan "Iezo" dep atalatyn jańa vırýs kene shaqqanda juǵatynyn anyqtady. Bul zertteý nátıjeleri Nature Communications jýrnalynda jarııalanǵan.
2014 jyly Japonııada belgisiz patogendi juqtyrýdyń alǵashqy jaǵdaılary tirkelgen. Al 2020 jylǵa deıin uqsas belgileri bar jeti naýqas aýrýhanaǵa túsken edi. Aýrýdyń belgisi dene qyzýynyń joǵarylaýymen sıpattaldy, naýqastardyń qanynda leıkoıtter men tromboıtter sany azaıyp ketedi.
Japon zertteýshileri eki naýqastyń qan úlgilerinen vırýsty bólip alyp, qarastyrǵan. Ǵalymdar juqtyrǵan adamnyń qany Ortonairovirus tektes buryn belgisiz qozdyrǵyshy bar ekenin anyqtady. Bul túrge sonymen qatar Kongo-Qyrym gemorragııalyq qyzbasynyń vırýsy kiredi.
2019 jyly kene shaqqan soń dene qyzýy kóterilgen Hokkaıdo aralyndaǵy aýrýhanaǵa eki naýqas jetkizilgen. Qan analızi kene shaqqan adamdarǵa belgisiz vırýs juqqanyn kórsetti. Osydan keıin ǵalymdar 2014 jyldan beri uqsas belgileri bar naýqastardyń qan úlgilerin qaıta tekserdi. Zertteýshiler "Iezo" ınfekııasynyń jeti jaǵdaıyn anyqtady.
Vırýstyń kózin anyqtaý úshin zertteýshiler osy aımaqtaǵy jabaıy janýarlardan alynǵan úlgilerdi skrınıngten ótkizdi. Vırýstyń negizgi kózi kene ekeni anyqtalýda.
"Adyrna" ulttyq portaly
