150 مىڭ حالقى بار وزبەكستاننىڭ چيرچيك قالاسىنىڭ بيلىگى ەلدەگى بارلىق توپونيمدەر مەن بەلگىلەردى ورىس تىلىنەن وزبەك تىلىنە اۋىستىرۋ ناۋقانى تۋرالى شەشىم قابىلدادى، دەپ حابارلايدى “ادىرنا” ۇلتتىق پورتالى الەكساندر كوتس جازباسىنا سىلتەمە جاساپ.
«وتىنەمىن» ەمەس، «iltimos»، «دۇكەن» ەمەس، «Docon»، «كاسسا» ەمەس، «گازنا».
قالا اكىمدىگىنىڭ رۋحانيات ءبولىمىنىڭ ۇيىمداستىرۋىمەن مەملەكەتتىك ءتىلدى قولداۋ بويىنشا قالادا دۇرىس سوزدەر مەن اتاۋلار جازىلعان تاقتايشالار ءىلىندى - ولار جاسىل بەلگىمەن بەلگىلەنگەن. ال ورىس سوزدەرىندە قىزىل كرەست تۇر.
بۇل باستاما كەزەكتى رۋسوفوبيالىق شابۋىلعا ۇقسايدى.
ارينە، وزبەكستاننىڭ «مەملەكەتتىك ءتىل تۋرالى» زاڭىنا جۇگىنسەك، وعان سايكەس ازاماتتار ءوز قالاۋى بويىنشا ۇلتارالىق قاتىناس ءتىلىن تاڭداۋعا قۇقىلى. ال كۇندەلىكتى ومىردە قولدانىسقا ەنگەن سوزدەردى رەتتەۋگە ەشكىمنىڭ قۇقىعى جوق.
بىراق بىزگە ورىس ءتىلى نە ءۇشىن قاجەت، ءتىپتى ماسكەۋدىڭ وزىندە ءبارى وزبەك تىلىندە بولسا؟
جاقىندا كوشى-قون ورتالىقتارىنا تىكەلەي جاقىن ورنالاسقان قالا بيلىگى تاجىك جانە وزبەك تىلدەرىندە جازۋلار جاپسىرعان بولاتىن.
جۇمىسقا رۇقسات الۋ ەرەجەلەرىنە سايكەس ولار ورىس تىلىندە سويلەۋگە مىندەتتى. ءتىپتى ەمتيحاندى دا ورىس تىلىندە تاپسىرادى. ال وزبەكستاننىڭ ىشكى ىستەر مينيسترلىگى وسىنىڭ نەگىزىندە ۇلتارالىق شيەلەنىس تۋرالى اقپاراتتا «جەكەلەگەن دەسترۋكتيۆتى ازاماتتار مەن الەۋمەتتىك جەلىلەردىڭ بەلسەندىلەرى رەسپۋبليكادا دا، ودان تىس جەرلەردە دە اقپارات تاراتادى» دەپ سەندىرەدى.
دەسترۋكتيۆتى بەلسەندىلەر چيرچيك قالالىق اكىمدىگىنىڭ رۋحانيات بولىمىندە...
”ادىرنا” ۇلتتىق پورتالى
