150 myń halqy bar Ózbekstannyń Chırchık qalasynyń bıligi eldegi barlyq toponımder men belgilerdi orys tilinen ózbek tiline aýystyrý naýqany týraly sheshim qabyldady, dep habarlaıdy “Adyrna” ulttyq portaly Aleksandr KO jazbasyna silteme jasap.
«Ótinemin» emes, «iltimos», «dúken» emes, «Docon», «kassa» emes, «gazna».
Qala ákimdiginiń rýhanııat bóliminiń uıymdastyrýymen memlekettik tildi qoldaý boıynsha qalada durys sózder men ataýlar jazylǵan taqtaıshalar ilindi - olar jasyl belgimen belgilengen. Al orys sózderinde qyzyl krest tur.
Bul bastama kezekti rýsofobııalyq shabýylǵa uqsaıdy.
Árıne, Ózbekstannyń «Memlekettik til týraly» Zańyna júginsek, oǵan sáıkes azamattar óz qalaýy boıynsha ultaralyq qatynas tilin tańdaýǵa quqyly. Al kúndelikti ómirde qoldanysqa engen sózderdi retteýge eshkimniń quqyǵy joq.
Biraq bizge orys tili ne úshin qajet, tipti Máskeýdiń ózinde bári ózbek tilinde bolsa?
Jaqynda kóshi-qon ortalyqtaryna tikeleı jaqyn ornalasqan qala bıligi tájik jáne ózbek tilderinde jazýlar japsyrǵan bolatyn.
Jumysqa ruqsat alý erejelerine sáıkes olar orys tilinde sóıleýge mindetti. Tipti emtıhandy da orys tilinde tapsyrady. Al Ózbekstannyń Ishki ister mınıstrligi osynyń negizinde ultaralyq shıelenis týraly aqparatta «jekelegen destrýktıvti azamattar men áleýmettik jelilerdiń belsendileri respýblıkada da, odan tys jerlerde de aqparat taratady» dep sendiredi.
Destrýktıvti belsendiler Chırchık qalalyq ákimdiginiń rýhanııat bóliminde...
”Adyrna” ulttyq portaly
