وزبەكستاننىڭ سىرتقى ىستەر مينيسترلىگى رەسەيگە ماسكەۋ وبلىسى حيمكي قالاسىندا بولعان وقيعاعا بايلانىستى رەسمي نوتا جولدادى، دەپ حابارلايدى "ادىرنا" ۇلتتىق پورتالى.
وندا رەسەيلىك ادامنىڭ وزبەكستان ازاماتىن قورلاعانى ايتىلىپ، ەر ادامنىڭ جەكە باسىن انىقتاپ، وعان زاڭعا سايكەس شارا قولدانۋ سۇرالعان.
وزبەكستان ءسىم ءباسپاسوز حاتشىسى احرور بۋرحانوۆتىڭ ايتۋىنشا، وزبەك تاراپى مۇنداي جاعدايلاردى باق پەن الەۋمەتتىك جەلىلەردەن قاداعالاپ، قاجەت بولعان جاعدايدا شەتەلدىڭ قۇزىرلى ورگاندارىمەن بايلانىس ورناتادى.
تامىز ايىندا ۇلكەن قوعامدىق رەزونانس تۋدىرعان وسى وقيعاعا بايلانىستى تەكسەرۋ باستالعان.
بۋرحانوۆ وزبەكستان ازاماتتارىنىڭ مەملەكەت قورعاۋىندا ەكەنىن، ولاردىڭ قاي جەردە جۇرگەنىنە قاراماستان قۇقىقتارى قورعالاتىنىن اتاپ ءوتتى.
وقيعانىڭ ۆيدەوسى 27 تامىزدا جاريالانعان. وندا ەر ادام تاكسيستكە ايقايلاپ، ونى بالاعاتتاپ، «ورىستاردىڭ قۇلى» دەپ اتاعانى كورىنەدى. تاكسيست سابىر ساقتاپ، قورلاۋدى توقتاتۋدى سۇراعاننان كەيىن كولىگىنە وتىرىپ كەتكەن.
كۋاگەرلەردىڭ ايتۋىنشا، جانجال تاكسيدىڭ قوقىس كولىگىن كۇتىپ، اۋلانىڭ كىرەبەرىسىن جاۋىپ تۇرعان كەزدە تۋىنداعان.
