Dúnıege kelgen balaǵa beriletin járdemaqy jáne bir jasqa deıingi bala kútimi boıynsha tólemdi endi Halyk Homebank arqyly onlaın rásimdeýge bolady.
Ata-analar úshin jaqsy jańalyq - endi jańa týǵan náreste úshin alatyn járdemaqyny Halyk Bank-tiń mobıldi qosymshasy arqyly rásimdeýge bolady. Bank Halyk Homebank mobıldi qosymshasy arqyly bala týǵanda beriletin járdemaqyny jáne bir jasqa deıingi bala kútimi boıynsha tólemdi onlaın formatta resimdeý múmkindigin iske qosty. Ataýly qyzmetti bala týǵannan keıin 1 jyl ishinde kez kelgen ýaqytta resimdeýge bolady.
Klıentterge yńǵaıly bolý úshin eki qyzmet bir-birine biriktirilgen.
Ótinish berý úshin:
- Halyk Homebank qosymshasynda «Memlekettik qyzmetter» bólimine kirińiz
- «Bala týýy boıynsha járdemaqyny» tańdańyz
- Ótinim beretin balany kórsetińiz
- Barlyq derekterdi tekserip, SMS arqyly ótinishke qol qoıyńyz
Klıent ótinimdi jibergen soń jáne ony memlekettik organ qaraǵannan keıin klıentke ótinimniń nátıjesi jáne tólemniń taǵaıyndalǵan somasy týraly PUSH-habarlama jáne SMS joldanady. Aıta ketý kerek, buryn járdemaqy HQKO barý arqyly nemese elektrondy úkimet portaly, 1414-ke SMS servısti paıdalaný arqyly resimdelgen.
Servıs QR ıfrlyq damý jáne aeroǵarysh ónerkásibi mınıstrligi men "Ulttyq aqparattyq tehnologııalar" AQ qoldaýymen Eńbek jáne halyqty áleýmettik qorǵaý mınıstrligi, "Eńbek resýrstaryn damytý ortalyǵy"AQ jáne Ádilet mınıstrliginiń aqparattyq júıelerimen ıntegraııalaýdyń arqasynda júzege asyryldy.
"Adyrna" ulttyq portaly
