شىمكەنت قالاسىنىڭ اكىمى مۇرات ايتەنوۆ ۆەدومستۆولىق ۇيىمدارى بار باسقارما باسشىلارىنىڭ، اۋدان اكىمدەرىنىڭ جانە كوممۋنالدىق قىزمەتتەر ۇسىنۋشى ۇيىمدار وكىلدەرىنىڭ قاتىسۋىمەن جىلىتۋ ماۋسىمىنا دايىندىق ماسەلەسىن تالقىلادى.قالالىق ەنەرگەتيكا جانە كوممۋنالدىق شارۋاشىلىق باسقارماسىنىڭ باسشىسى ب. بولاتبەكوۆ بەرگەن اقپارعا سايكەس، 28 شىلدەدەگى احۋال بويىنشا، قالانىڭ نەگىزگى جىلۋ بەرەتىن كاسىپورنى - №3 زنەرگوورتالىقتا دايىندىق جۇمىستارى قىزۋ جۇرگىزىلۋدە. رەزەرۆتىك سۇيىق وتىن قورى 98 پايىزعا دايىندالعان.
جيىنعا قاتىسقان كاسىپورىن وكىلى جوسپارلانعان جۇمىستاردى اتقارۋعا قوسىمشا جۇمىسشىلار تارتىلعانىن، قۇبىرلار تولىعىمەن الىنىپ، جەتكىزىلگەنىن اتاپ ءوتىپ، بارلىق جۇمىستار قىركۇيەك ايىنىڭ باسىندا اياقتالادى دەپ مالىمدەدى.قالاداعى 419 شاقىرىمنان اساتىن جىلۋ جۇيەلەرى قىسىمداۋدان وتكىزىلىپ، ورىن العان تەحنيكالىق اقاۋلاردى قالپىنا كەلتىرۋ جۇمىستارى جوسپارلى مەرزىم ىشىندە اتقارىلۋدا. سالا ماماندارى جىلۋ قازاندىقتارى مەن سورعى ستانتسيالارىنىڭ بارلىعى ءبىر اي مەرزىم ىشىندە تولىق دايىندىقتا بولادى دەپ ەسەپ بەردى. قالا اكىمى باسقارما باسشىلارى مەن اۋدان اكىمدەرىنەن وسى باعىتتا اتقارىپ جاتقان جۇمىستارىنىڭ ەسەبىن الىپ، دايىندىق جۇمىستارىنىڭ كورسەتكىشتەرىن ارتتىرۋ جونىندە تالاپ قويدى. مەترولوگيالىق بولجامدارعا سايكەس، بيىلعى قىس ايازدى بولاتىنىن ەسكەرتكەن قالا باسشىسى، دايىندىق جۇمىستارى جوسپارعا سايكەس مەرزىمدەرىندە ءارى ساپالى ورىندالۋى ءتيىس دەدى.
بۇل باعىتتا اۋدان اكىمدەرى پاتەر يەلەرىمەن تىعىز بايلانىستا جۇمىس ىستەپ، جاۋاپتى قۇرىلىمدار ماگيسترالدى جۇيەلەرگە عانا قارايتىنىن، ىشكى جۇيەلەردى قىسىمداۋدان وتكىزۋدە تۇرعىندار وزدەرى ماماندار كومەگىنە جۇگىنۋلەرى ءتيىس ەكەنى ايتىلدى. بۇل تالاپتان پاتەر جالداپ تۇراتىن وتباسىلار مۇلدە بەيحابار بولۋى مۇمكىن ەكەنىن اتاپ كورسەتىپ، حالىققا اقپارات بەرۋدە جۇيەلى جۇمىستار جۇرگىزۋگە كەڭەس بەردى.بيىلعى جىلى بىرقاتار شاعىن اۋداندار مەن تۇرعىن الاپتاردا ىشكى ورامدىق گاز جۇيەلەرى جۇرگىزىلگەنىن، گاز تاراتۋ ستانتسياسىنىڭ قۇرىلىسى اياقتالىپ جاتقانىن ەسكە سالىپ، ولاردى گاز تاراتۋشى ۇيىمداردىڭ قىزمەت كورسەتۋ تىزىمىنە جىلىتۋ ماۋسىمى باستالعانعا دەيىنگى مەرزىم ىشىندە جەدەل ەنگىزۋدى تاپسىردى.
قاتتى وتىن تاسىمالداۋ بويىنشا ءوندىرىس ورىندارىنان ءتيىستى قۇجاتتاردى الدىرتىپ، قالا قاجەتتىلىگىن تولىق قامتۋ كەپىلدەمەسىن باقىلاۋدى ۇستاۋدى جۇكتەدى.جيىندى قورىتىندىلاعان قالا باسشىسى جىلۋ ماۋسىمىنا دايىندىق ماسەلەسى تۇراقتى باقىلاۋدا بولاتىنىن جانە بۇل ماسەلە الداعى جيىنداردا مىندەتتى تۇردە قارالاتىنىن ايتىپ، دايىندىق جۇمىستارىنا قاداعالاۋدى كۇشەيتۋ جونىندە تالاپ قويدى.
اۆت. پەريزات
