شىمكەنت قالاسىنىڭ اكىمى مۇرات ايتەنوۆتىڭ توراعالىعىمەن وتكەن جيىندا قالالىق ءبىلىم باسقارماسىنىڭ ءبىرىنشى جارتىجىلدىقتا اتقارعان جۇمىستارىنىڭ ەسەبى تىڭدالىپ، جاڭا وقۋ جىلىنا دايىندىق ماسەلەسى پىسىقتالدى.قالانىڭ الداعى بەس جىلعا ارنالعان دامۋ جوسپارىندا ادامي كاپيتالدى دامىتۋ باسىمدىعى ايقىندالعان. ونىڭ اياسىندا ءبىلىم سالاسىن ىلگەرىلەتۋدىڭ 5 نەگىزگى باعىتى بەلگىلەنگەن.
پەداگوگ كادرلاردىڭ الەۋەتىن دامىتۋ شەڭبەرىندە مەكتەپكە دەيىنگى ۇيىمداردان 190 پەداگوگ قايتا دايارلاۋ كۋرستارىنان وتكىزىسە، مەكتەپتەردەگى 2657 پەداگوگ كادرلار ۇلتتىق بىلىكتىلىك تەستىلەۋىنە قاتىسقان. پەداگوگ قىزمەتكەرلەر بەكىتىلگەن جوسپار بويىنشا بىلىكتىلىكتى ارتتىرۋ كۋرستارىمەن قامتىلۋدا.رەسپۋبليكالىق «ۇزدىك پەداگوگ» بايقاۋىنا 21 پەدەگوگ ۇسىنىلسا، «كۇندەلىك kz» جوباسى بويىنشا شىمكەنت قالاسى ەكى مارتە «التىن تۇيمە» يەگەرى اتاندى. كادرلىق رەزەرۆتەن ءبىلىم بەرۋ مەكەمەلەرىنىڭ باسشىلىعىنا 28 ۇمىتكەر تەستىلەۋدەن وتكىزىلىپ، شەكتى بال جيناعان. ولاردىڭ ىشىنەن 6 ۇمىتكەر مەكتەپ ديرەكتورى لاۋازىمدارىنا قابىلدانعان.قالادا 30 كوللەدج قىزمەت اتقارىپ، تەحنيكالىق جانە كاسىپتىك ءبىلىم بەرۋدى ىسكە اسىرادى. ونىڭ ىشىندە 11 كوللەدجدە ينكليۋزيۆتى ءبىلىم بەرۋگە جاعداي جاسالعان. كوللەدج ستۋدەنتتەرىنە وندىرىسپەن ۇشتاستىرىلعان دۋالدى وقىتۋ ءادىسىنىڭ قولدانىلۋ مۇمكىندىگىن ارتتىرۋدا 96 الەۋمەتتىك سەرىكتەستىكتەرمەن كەلىسىم جاسالىپ، وسى جۇيەمەن ءبىلىم العان ستۋدەنتتىڭ ءبىلىم العان مەرزىمى ەڭبەك ءوتىلى رەتىندە ەسەپتەلەدى.
«جاس مامان» جوباسى اياسىندا بىلتىر ەكى كوللەدج قايتا جابدىقتاۋدان وتكىزىلسە، بيىل مۇنداي جۇمىستار تاعى بەس كوللەدجدە اتقارىلماق. قالا اكىمى ءبىلىم سالاسىنىڭ كورسەتكىشتەرىن تالداپ، قالادا پەداگوگ كادرلاردىڭ بىلىكتىلىگىن كوتەرۋگە بارلىق مۇمكىندىكتەر قاراستىرىلۋ كەرەكتىگىن نازارعا الدى. بۇگىننىڭ وزىندە كەيبىر وقۋ پاندەرى بويىنشا بىلىكتى ۇستازداردىڭ جەتىسپەۋشىلىگى ورىن الىپ جاتقاندىعىنا توقتالىپ، قاجەتتى كادرلاردى دايارلاۋدا جوعارى وقۋ ورىندارىمەن تىعىز بايلانىستا جۇمىس جۇرگىزۋدى تاپسىردى. ءبىلىم بەرۋ ۇيىمدارىنىڭ كادرلىق قۇرامدارىن، مۇعالىمدەردىڭ جۇمىس جۇكتەلىمدەرىن تالداۋدان وتكىزىپ، كادر جەتىسپەۋشىلىگى ورىن الىپ وتىرعان مەكتەپتەردىڭ ماسەلەسى ءبىرىنشى قىركۇيەككە دەيىنگى مەرزىمدە وڭتايلى شەشىلۋى ءتيىس دەگەن تالاپ قويدى.
تەحنيكالىق جانە كاسىپتىك وقۋ ورىندارىنىڭ احۋالىنا توقتالعان قالا باسشىسى، قۇرىلىس جۇمىستارىنىڭ كولەمى سوڭعى 3 جىلدا ءۇش ەسە ارتقانىن، الداعى جىلدارى بۇل كورسەتكىشتىڭ ءالى دە ەسەلەنە تۇسەتىنىن اتاپ ءوتتى. قۇرىلىسقا قاجەتتى ماماندار تاپشىلىعى ايقىن سەزىلىپ وتىرعاندىعىن ايتا وتىرىپ، كوللەدجدەر بازاسىندا قۇرىلىسشى ماماندىقتارىنا وقىتاتىن قىسقامەرزىمدى كۋرستار ۇيىمداستىرۋ مۇمكىندىكتەرىن قاراستىرۋدى تاپسىردى. بۇل باعىتتا سالالىق باسقارمالارعا قۇرىلىس جۇمىستارىنا تارتىلعان مەردىگەر ۇيىمداردان قاجەتتى ماماندىقتار تىزبەسىن جاساقتاۋ مىندەتتەرى تاپسىرىلدى.قالا باسشىسىنىڭ ايتۋىنشا، جيىن بارىسىندا جۇكتەلگەن تالاپتار كادرلىق الەۋەتىمىزدى ءتيىمدى پايدالانۋعا مۇمكىندىك بەرىپ، جۇمىسسىزدىق ماسەلەسىن وڭتايلى شەشۋگە ىقپالىن تيگىزەدى.
اۆت. پەريزات
