Şymkent qalasynyŋ äkımı Mūrat Äitenovtıŋ töraǧalyǧymen ötken jiynda qalalyq bılım basqarmasynyŋ bırınşı jartyjyldyqta atqarǧan jūmystarynyŋ esebı tyŋdalyp, jaŋa oqu jylyna daiyndyq mäselesı pysyqtaldy.Qalanyŋ aldaǧy bes jylǧa arnalǧan damu josparynda adami kapitaldy damytu basymdyǧy aiqyndalǧan. Onyŋ aiasynda bılım salasyn ılgerıletudıŋ 5 negızgı baǧyty belgılengen.
Pedagog kadrlardyŋ äleuetın damytu şeŋberınde mektepke deiıngı ūiymdardan 190 pedagog qaita daiarlau kurstarynan ötkızıse, mektepterdegı 2657 pedagog kadrlar Ūlttyq bılıktılık testıleuıne qatysqan. Pedagog qyzmetkerler bekıtılgen jospar boiynşa bılıktılıktı arttyru kurstarymen qamtyluda.Respublikalyq «Üzdık pedagog» baiqauyna 21 pedegog ūsynylsa, «Kündelık kz» jobasy boiynşa Şymkent qalasy ekı märte «Altyn tüime» iegerı atandy. Kadrlyq rezervten bılım beru mekemelerınıŋ basşylyǧyna 28 ümıtker testıleuden ötkızılıp, şektı bal jinaǧan. Olardyŋ ışınen 6 ümıtker mektep direktory lauazymdaryna qabyldanǧan.Qalada 30 kolledj qyzmet atqaryp, tehnikalyq jäne käsıptık bılım berudı ıske asyrady. Onyŋ ışınde 11 kolledjde inkliuzivtı bılım beruge jaǧdai jasalǧan. Kolledj studentterıne öndırıspen ūştastyrylǧan dualdy oqytu ädısınıŋ qoldanylu mümkındıgın arttyruda 96 äleumettık serıktestıktermen kelısım jasalyp, osy jüiemen bılım alǧan studenttıŋ bılım alǧan merzımı eŋbek ötılı retınde esepteledı.
«Jas maman» jobasy aiasynda byltyr ekı kolledj qaita jabdyqtaudan ötkızılse, biyl mūndai jūmystar taǧy bes kolledjde atqarylmaq. Qala äkımı bılım salasynyŋ körsetkışterın taldap, qalada pedagog kadrlardyŋ bılıktılıgın köteruge barlyq mümkındıkter qarastyrylu kerektıgın nazarǧa aldy. Bügınnıŋ özınde keibır oqu pänderı boiynşa bılıktı ūstazdardyŋ jetıspeuşılıgı oryn alyp jatqandyǧyna toqtalyp, qajettı kadrlardy daiarlauda joǧary oqu oryndarymen tyǧyz bailanysta jūmys jürgızudı tapsyrdy. Bılım beru ūiymdarynyŋ kadrlyq qūramdaryn, mūǧalımderdıŋ jūmys jüktelımderın taldaudan ötkızıp, kadr jetıspeuşılıgı oryn alyp otyrǧan mektepterdıŋ mäselesı bırınşı qyrküiekke deiıngı merzımde oŋtaily şeşıluı tiıs degen talap qoidy.
Tehnikalyq jäne käsıptık oqu oryndarynyŋ ahualyna toqtalǧan qala basşysy, qūrylys jūmystarynyŋ kölemı soŋǧy 3 jylda üş ese artqanyn, aldaǧy jyldary būl körsetkıştıŋ älı de eselene tüsetının atap öttı. Qūrylysqa qajettı mamandar tapşylyǧy aiqyn sezılıp otyrǧandyǧyn aita otyryp, kolledjder bazasynda qūrylysşy mamandyqtaryna oqytatyn qysqamerzımdı kurstar ūiymdastyru mümkındıkterın qarastyrudy tapsyrdy. Būl baǧytta salalyq basqarmalarǧa qūrylys jūmystaryna tartylǧan merdıger ūiymdardan qajettı mamandyqtar tızbesın jasaqtau mındetterı tapsyryldy.Qala basşysynyŋ aituynşa, jiyn barysynda jüktelgen talaptar kadrlyq äleuetımızdı tiımdı paidalanuǧa mümkındık berıp, jūmyssyzdyq mäselesın oŋtaily şeşuge yqpalyn tigızedı.
AVT. PERİZAT
