شىمكەنتتەن باستىسقا 10 ۆاگون ءشوپ

1057
Adyrna.kz Telegram

شىمكەنتتەن باتىسقا 10 ۆاگون مال ازىعى. قۋاڭشىلىققا تاپ بولعان ەلىمىزدىڭ باتىسىنا قولداۋ مەگاپوليستە جالعاستى. ايتىسكەر اقىن قاجىمۇحان ابزالوۆ باستاعان بەلسەندىلەر ەلدەن جىلۋ جيناپ قايىرىمدى ءىستى قولعا الدى.

«ماڭعىستاۋ جاقتا قۋاڭشىلىقتان مال قىرىلىپ جاتىر» دەگەن سۋىق حابار تاراعالى ءبىراز بولدى. مالدى اۋىلداردىڭ ايانىشتى كۇيىن باياندايتىن سۋرەتتەر مەن ۆيدەولار الەۋمەتتىك جەلىنى كەزىپ ءجۇر. سول اقپارات 25 جاستاعى شىمكەنتتىك جىگىت قۇرمەت تالاپقازىنى بەيجاي قالدىرمادى. بۇل يگى شارا قۇرمەتتىڭ باستاماسىنىڭ جالعاسى. قاجىمۇحان باستاعان جىگىتتەر 10 ۆاگوندى شوپكە تولتىردى.

قاجىمۇحان ابزالوۆ – ايتىسكەر اقىن

پ 8535 تك 01:27-02:11 ەڭ ءبىرىنشى سايرام اۋدانىنداعى قۇتارىس دەگەن اۋىلدان باستادىق. باتىستاعى قۋاڭشىلىقتى ەلدەگى قىمباتشىلىقتى بىزدە ۋايىمدادىق. سول كەزدە سارىاعاشتان قۇرمەت باۋىرلار باستامانى باستادى.

ساۋاپتى ىستەن قورلاردا قالىس قالمادى. شاما شارىققا قاراي ۇيىمدار قارجىلاي جاردەم بەرگەن.

قايىمجان ابدۋللاەۆ –  قايرىمدىلىق قورىنىڭ باسشىسى

قۇرعاقشىلىق باستالعان كەزدە قۇرمەت باۋىرىمىز باستادى وسى تىرلىكتى. سول كەزدە ماعان وي كەلدى. سول جالعىز بالانىڭ باستاماسى قالاي بولادى دەپ ويلادىم.

باتىسقا كومەك اكتسياسىنا وڭتۇستىك ءوڭىرى بەلسەنە اتسالىسۋدا. بۇعان دەيىن جەتىساي، ماقتاارال، سارىاعاش، ورداباسى اۋداندارىنان  قۋاڭشىلىق كورگەن ايماققا مال ازىعى جونەلتىلگەن بولاتىن. بۇل جولى شىمشاھاردىڭ ازاماتتارى يگىلىكتى ىسكە ءوز ۇلەسىن قوستى.

 

ك. دۇيسەنبى

پىكىرلەر