شىمكەنت قالاسىنىڭ اكىمى مۇرات ايتەنوۆتىڭ جەتەكشىلىگىمەن ينۆەستيتسيالىق شتابتىڭ كەزەكتى وتىرىسى ءوتتى. ونلاين فورماتتا وتكەن جيىنعا سالالىق باسقارما باسشىلارى مەن اۋدان اكىمدەرى، ىسكەرلىك ورتا وكىلدەرى قاتىستى. جيىن بارىسىندا اگرويندۋستريالىق ايماقتى قۇرۋ جونىندەگى جۇمىستىڭ بارىسى، ينۆەستيتسيالىق جوبالاردىڭ تانىستىرىلىمى مەن ولاردى ىسكە اسىرۋ بارىسىنداعى ۇيىمداستىرۋشىلىق ماسەلەلەر، شتاب وتىرىستارىندا بەرىلگەن حاتتامالىق تاپسىرمالاردىڭ ورىندالۋى تالقىلاندى.قالا اكىمى مۇرات ايتەنوۆ اگرويندۋستريالىق ايماق ورنالاساتىن اۋماقتىڭ ينفراقۇرىلىمدىق الەۋەتىن تولىق زەردەلەۋدى تاپسىردى. بەرىلەتىن ەلەكتر ەنەرگياسىنىڭ قۋاتىن، سۋ كوزدەرىنىڭ قورىن ەسەپتەۋ بويىنشا ناقتى جۇمىستار اتقارىلۋى كەرەكتىگىنە كوڭىل ءبولدى.
شتاب وتىرىسىندا قالالىق اۋىلشارۋاشىلىعى جانە ۆەتەريناريا باسقارماسى ۇسىنعان ينۆەستيتسيالىق جوبالاردىڭ وزەكتى ماسەلەلەرى قارالدى. ونىڭ ىشىندە جىلىنا 50 ملن دانا جۇمىرتقا شىعارۋدى كوزدەپ وتىرعان «ايمار قۇس» جشس-نىڭ قۇس فابريكاسىن اشۋعا قاجەتتى ينفراقۇرىلىم تارتۋ ماسەلەسى ءسوز بولدى. جوبامەن مۇقيات تانىسقان قالا اكىمى مۇرات ايتەنوۆ سالالىق باسقارما باسشىلارىنا ءتيىستى ۇسىنىستار ەنگىزۋ جونىندە تاپسىرما بەردى.قۇس فابريكاسىن سالۋعا «شاعىر اگرو» كومپانياسى دا مۇددەلى ەكەندىگىن بىلدىرۋدە. مۇندا جىلىنا 20 مىڭ توننا برويلەرلىك قۇس ەتى وندىرىلمەك. جوبانى ىسكە اسىرۋ ءۇشىن اۋماقتىڭ ەگجەي-تەگجەيلى جوسپارىنا وزگەرىستەر ەنگىزىلۋى قاجەت. قالا اكىمى م.ايتەنوۆ بۇل ماسەلە بويىنشا دا سالالىق باسقارماعا ماسەلەنى تولىق زەردەلەپ، ءتيىستى شەشىم قابىلداۋدى جۇكتەدى.باسقارما ۇسىنىپ وتىرعان تاعى ءبىر جوبا – 600 باس ءىرى قاراعا ارنالعان ەت-ءسۇت فەرماسى. بۇل جوبا بويىنشا قالانىڭ باس جوسپارىنا سايكەس ناقتى شەشىم قابىلداناتىن بولادى.
جيىن بارىسىندا بىرقاتار ينۆەستيتسيالىق قۇرىلىس جوبالارىنىڭ دا تانىستىرىلىمى ءوتتى. ونىڭ ىشىندە «شىمكەنت اقپاراتتىق تەحنولوگيالار ۋنيۆەرسيتەتى» عىلىمي جانە ءبىلىم بەرۋ يننوۆاتسيالىق كەشەنىن سالۋ جوباسى ۇسىنىلدى. كەشەن اقپاراتتىق تەحنولوگيالار بويىنشا عىلىمي بازا رەتىندە جاساقتالىپ، لابوروتوريالىق زەرتحانالار اشىلماق. مۇندا 6 مىڭ ستۋدەنت ءبىلىم الىپ، جاتاقحانامەن قامتىلماق. كەشەندە 600 ادام ەڭبەك ەتەتىن بولسا، ونىڭ 400-دەن استامى – وتاندىق جانە شەتەلدىك عالىمدار بولماق.كەشەن جوباسىمەن ءجىتى تانىسقان قالا اكىمى م.ايتەنوۆ بۇل جوبانى قۇرىلىسى قارقىن العان تۇران شاعىن اۋدانىندا ورنالاستىرۋ مۇمكىندىكتەرىن قاراستىرۋدى تاپسىردى. مەديتسينا قىزمەتكەرلەرىنە ارنالعان 12 قاباتتى تۇرعىن ۇيلەر قۇرىلىسىن جۇرگىزۋ ماسەلەسى دە شتاب وتىرىسىندا قارالىپ، قولداۋ تاپتى. تۇرعىن ءۇي كەلەسى جىلى العاشقى تۇرعىندارىن قابىلدايتىن بولادى.
شىمكەنت سيتي شاعىناۋدانىندا سالىناتىن 2 زاماناۋي جەكەمەنشىك مەكتەپتەردىڭ جوبالارى دا قولداۋ تاۋىپ، قۇرىلىس جۇمىستارى جاقىن كۇندەرى باستالاتىن بولدى. «شىمكەنت سيتيدە» بوي كوتەرەتىن ەكى وقۋ ورداسىنىڭ جالپى سىيىمدىلىعى 2200 وقۋشىعا ارنالعان.شتاب بارىسىندا بيزنەس ساناتىنداعى 8 كوپقاباتتى تۇرعىن ۇيلەردىڭ جوبالارى تانىستىرىلىپ، ماقۇلداندى. قۇرىلىس جۇمىستارىن وتاندىق جانە شەتەلدىك قۇرىلىس كومپانيالارى جۇرگىزەتىن بولادى. جيىندا سونداي-اق تاسكەن شاعىناۋدانىندا سالىناتىن 300 وقۋشىعا ارنالعان جەكەمەنشىك مەكتەپ پەن 500 ورىنعا ارنالعان جاتاقحانا جوبالارىنىڭ تانىستىرىلىمى دا ءوتتى. ۇسىنىلعان نىساندار قولداۋ تاۋىپ، ولاردىڭ قۇرىلىستارى دا جاقىن كۇندەرى باستالادى. قالا باسشىسى م.ايتەنوۆ شىمكەنتتىڭ وركەندەۋىنە ينۆەستورلار قىزىعۋشىلىق تانىتىپ وتىرعانىن مالىمدەدى. بۇل اسىرەسە قۇرىلىس سالاسىنىڭ قارقىن الۋىنا نەگىز بولىپ وتىر دەدى. سالا جەتەكشىلەرىنە قۇرىلىس كومپانيالارىنا جەر بولۋدە اۋقىمدى جەر ۋچاسكەلەرىن بىردەن ءبولىپ بەرۋگە جول بەرمەي، ولاردىڭ قۇرىلىس جۇرگىزۋ قارقىنىن ەسەپكە الىپ ءبولۋدى تاپسىردى. بولىنگەن جەر ۋچاسكەلەرى بەلگىلى مەرزىم ىشىندە يگەرىلمەي بوس جاتسا، ونى قايتارىپ الۋ جونىندە مەحانيزمدەر قالىپتاستىرۋدى جۇكتەدى.
كۇن تارتىبىندەگى ءۇشىنشى ماسەلە بويىنشا شتابتىڭ الدىڭعا وتىرىستارىندا بەرىلگەن حاتتامالىق تاپسىرمالاردىڭ ىشىندە 5 ماسەلە مەرزىمىندە ورىندالماي قالعاندىعى ايتىلدى. قالا اكىمى مەملەكەتتىك قۇرىلىمدار جەتەكشىلەرىنە بەرىلگەن تاپسىرمالاردىڭ بارلىعى مەرزىمىندە ءارى ساپالى ورىندالۋى كەرەكتىگىنە نازار اۋدارىپ، ەكونوميكاعا ينۆەستيتسيا تارتۋ ماسەلەسى جايباراقاتتىلىقتى كوتەرمەيتىنىن مالىمدەدى. الداعى اپتادا ينۆەستيتسيا بويىنشا جۇمىس جيىنى وتەتىنىن حابارلاپ، سالاداعى وزەكتى ماسەلەلەردى تاعى ءبىر مارتە پىسىقتاۋ كەرەكتىگىن ەسكەرتتى. شتاب وتىرىسىن قورىتىندىلاعان قالا باسشىسى مۇرات .ايتەنوۆ شىمكەنتتىڭ زاماناۋي مەگاپوليس رەتىندە قالىپتاسۋى ينۆەستيتسيا ارقىلى جۇزەگە اساتىنىن جەتكىزدى. ينۆەستورلار تارتۋ ارقىلى قالا ەكونوميكاسى سەرپىن الادى. ينۆەستيتسيا تارتۋعا جاۋاپتى قۇرىلىمدار قۇرىلىس نارىعىمەن شەكتەلىپ قالماي، وندىرىستىك جوبالاردى ىزدەستىرۋدە بەلسەندىلىك تانىتۋى كەرەك ەكەندىگىن ەسكە سالدى. ءوندىرىس ورىندارىن اشۋ ارقىلى تۇراقتى جۇمىس ورىندارى اشىلىپ، ەكونوميكا ۇلەسىندە جەرگىلىكتى تاۋارلاردىڭ ۇلەسى ارتاتىنىن، قالا تۇرعىندارىنىڭ تۇرمىستىق احۋالى جاقساراتىنىن مالىمدەدى. بارلىق سالا جەتەكشىلەرىن وسى باعىتتا ناتيجەلى جۇمىستار جۇرگىزۋگە شاقىردى.
اۆت. ايگەرىم
