شىمكەنت قالاسىندا قوناەۆ داڭعىلى جالعاسىنىڭ قۇرىلىسى جۇرگىزىلۋدە. اتالعان نىسان جالپى 18,1 شاقىرىم جانە 7 ۋچاسكەدەن تۇرادى. شىمكەنت قالاسىنىڭ اكىمى مۇرات ايتەنوۆ قۇرىلىس نىسانىنىڭ II III كەزەڭدەرى بويىنشا جۇرگىزىلىپ جاتقان قۇرىلىس بارىسىن تەكسەردى.
قۇرىلىستىڭ 2 - كەزەڭى بويىنشا ۇزىندىعى – 1,7 شاقىرىم. اتالعان نىسان بويىنشا مەملەكەت مۇقتاجى ءۇشىن الىنعان 20 ءۇيدى ءسۇرۋ جۇمىستارى جۇرگىزىلدى.جوبادا ايتەكە بي كوشەسىمەن ۇزىندىعى 600 مەتر جول استى وتكەلى بولىگى قاراستىرىلعان. قۇرىلىس اۋماعىنا تۇسەتىن جەر تەلىمدەرىن مەملەكەت مۇقتاجىنا الۋ جۇمىستارىن وڭتايلاندىرۋ ماڭىزدى ءىس. قوناەۆ داڭعىلى جالعاسىنىڭ 3 كەزەڭى تورەشكوۆا مەن بوگەت كوشەسىنە دەيىنگى ارالىقتى الادى. شىمكەنت قالاسىنداعى جول كەپتەلىسىنە ەداۋىر اسەر ەتەتىن بۇل داڭعىلدىڭ قۇرىلىس جۇمىستارى «كازاحدورستروي» جشس -گىنە جۇكتەلگەن.جالپى ۇزىندىعى 6 جولاقتى 0,561 شاقىرىمدى، جولدىڭ ەنى 42 مەتردى قۇرايدى. بۇگىنگى تاڭدا، 700 م ەكى باعىتتى اينالما تەمىر جولىن، 948 م كارىز قۇبىرىن سالۋ، 3,4 شق. كابەل جەلىلەرى، 24 تەمىر جول ەلەكتر باعانالارىن جانە 2 دانا جەر استى جاياۋ جۇرگىنشىلەر وتكەلدەرىن ورناتۋ، تەمىر جول وتكەلىنىڭ 24 دانا سۆاي قۇيۋ، 12000م3 جەر جۇمىستارى جانە 2 دانا تەمىر جول كوپىرىنىڭ نەگىزىن قۇيۋ جۇمىستارى ورىندالدى.قازىرگى ۋاقىتتا، تىرەۋ قابىرعالارىن قۇيۋ، ينجەنەرلىك جەلىلەردىڭ ورنىن اۋىستىرۋ مەملەكەت مۇقتاجىنا الىنعان ۇيلەردى ءسۇرۋ، جۇمىستارى جۇرگىزىلۋدە.قالا باسشىسى قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسىنا ساپانى ساقتاي وتىرىپ جۇمىستى بارىنشا جەدەلدەتۋ امالدارىن ويلاستىرىپ، بۇل باعىتتا بارلىق قولايلى جاعداي جاساۋدى مىندەتتەدى.
اۆت. نازكەن
