Shymkent qalasynda Qonaev dańǵyly jalǵasynyń qurylysy júrgizilýde. Atalǵan nysan jalpy 18,1 shaqyrym jáne 7 ýchaskeden turady. Shymkent qalasynyń ákimi Murat Áıtenov qurylys nysanynyń II III kezeńderi boıynsha júrgizilip jatqan qurylys barysyn tekserdi.
Qurylystyń 2 - kezeńi boıynsha uzyndyǵy – 1,7 shaqyrym. Atalǵan nysan boıynsha memleket muqtajy úshin alynǵan 20 úıdi súrý jumystary júrgizildi.Jobada Áıteke bı kóshesimen uzyndyǵy 600 metr jol asty ótkeli bóligi qarastyrylǵan. Qurylys aýmaǵyna túsetin jer telimderin memleket muqtajyna alý jumystaryn ońtaılandyrý mańyzdy is. Qonaev dańǵyly jalǵasynyń 3 kezeńi Tóreshkova men Bóget kóshesine deıingi aralyqty alady. Shymkent qalasyndaǵy jol keptelisine edáýir áser etetin bul dańǵyldyń qurylys jumystary «KazahDorStroı» JShS -gine júktelgen.Jalpy uzyndyǵy 6 jolaqty 0,561 shaqyrymdy, joldyń eni 42 metrdi quraıdy. Búgingi tańda, 700 m eki baǵytty aınalma temir jolyn, 948 m káriz qubyryn salý, 3,4 shq. kabel jelileri, 24 temir jol elektr baǵanalaryn jáne 2 dana jer asty jaıaý júrginshiler ótkelderin ornatý, temir jol ótkeliniń 24 dana svaı quıý, 12000m3 jer jumystary jáne 2 dana temir jol kópiriniń negizin quıý jumystary oryndaldy.Qazirgi ýaqytta, tireý qabyrǵalaryn quıý, ınjenerlik jelilerdiń ornyn aýystyrý memleket muqtajyna alynǵan úılerdi súrý, jumystary júrgizilýde.Qala basshysy qalalyq jolaýshylar kóligi jáne avtomobıl joldary basqarmasynyń basshysyna sapany saqtaı otyryp jumysty barynsha jedeldetý amaldaryn oılastyryp, bul baǵytta barlyq qolaıly jaǵdaı jasaýdy mindettedi.
AVT. NAZKEN
