شىمكەنتتە 500 ورىنعا ارنالعان ءبىلىم بەرۋ مەكەمەسىنىڭ قۇرىلىسى اياقتالۋعا جاقىن. اتالعان مەكتەپ اباي اۋدانى، «قۇرساي» شاعىن اۋدانىندا ورنالاسقان. نىساننىڭ ساپاسى مەن ۋاقىتىلى ورىندالۋىن باقىلاۋ ماقساتىندا «Nur Otan» پارتياسى فراكتسياسىنىڭ مۇشەلەرى مەن ءماجىلىس دەپۋتاتتارى وقۋ ورنىنىڭ قۇرىلىسىمەن تانىستى.
اتالعان مونيتورينگتىك شارا «Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسى اياسىندا ىسكە اسىرىلدى. وعان قر پارلامەنتى ءماجىلىسىنىڭ دەپۋتاتتارى مۇحتار ەرمان، عاني تاشقاراەۆ جانە بەرىك بەكجانوۆ قاتىستى. قۇرىلىس نىسانى اباي اۋدانىنداعى ءۇش اۋىسىمدى مەكتەپتەر ماسەلەسىن تۇپكىلىكتى شەشۋ ماقساتىندا جۇرگىزىلۋدە. جاڭادان سالىنىپ جاتقان نىسان پايدالانۋعا بەرىلسە «قۇرساي» شاعىن اۋدانىنداعى كوپتەگەن وقۋشىنىڭ كوپشىلىگىنىڭ ءبىر اۋىسىمدا ءبىلىم الۋىنا مۇمكىندىك تۋماق. بۇگىندە بۇل اۋدانداعى شاعىن بالالاردىڭ سانى 3112-گە جەتكەن. قازىرگى تاڭدا جاڭا وقۋ عيماراتىنىڭ قۇرىلىس جۇمىستارى 60%-عا اياقتالىپ، ىشكى جانە سىرتقى ارلەۋ جۇمىستارى جۇرگىزىلۋدە. سونىمەن قاتار وقۋ عيماراتىنىڭ جانىنان جاڭا ۇلگىدەگى سپورت زالىنىڭ قۇرىلىسى دا قارقىندى جۇرۋدە.مەكتەپ وسى جىلدىڭ اياعىنا دەيىن ەل يگىلىگىنە تاپسىرىلادى.
ايدانا قۋانىشقىزى
