Şymkentte 500 orynǧa arnalǧan bılım beru mekemesınıŋ qūrylysy aiaqtaluǧa jaqyn. Atalǧan mektep Abai audany, «Qūrsai» şaǧyn audanynda ornalasqan. Nysannyŋ sapasy men uaqytyly oryndaluyn baqylau maqsatynda «Nur Otan» partiiasy Fraksiiasynyŋ müşelerı men mäjılıs deputattary oqu ornynyŋ qūrylysymen tanysty.
Atalǧan monitoringtık şara «Nur Otan» partiiasynyŋ «Özgerıster joly: Är azamatqa laiyqty ömır!» atty sailaualdy baǧdarlamasy aiasynda ıske asyryldy. Oǧan QR Parlamentı Mäjılısınıŋ deputattary Mūhtar Erman, Ǧani Taşqaraev jäne Berık Bekjanov qatysty. Qūrylys nysany Abai audanyndaǧy üş auysymdy mektepter mäselesın tüpkılıktı şeşu maqsatynda jürgızılude. Jaŋadan salynyp jatqan nysan paidalanuǧa berılse «Qūrsai» şaǧyn audanyndaǧy köptegen oquşynyŋ köpşılıgınıŋ bır auysymda bılım aluyna mümkındık tumaq. Bügınde būl audandaǧy şaǧyn balalardyŋ sany 3112-ge jetken. Qazırgı taŋda jaŋa oqu ǧimaratynyŋ qūrylys jūmystary 60%-ǧa aiaqtalyp, ışkı jäne syrtqy ärleu jūmystary jürgızılude. Sonymen qatar oqu ǧimaratynyŋ janynan jaŋa ülgıdegı sport zalynyŋ qūrylysy da qarqyndy jürude.Mektep osy jyldyŋ aiaǧyna deiın el igılıgıne tapsyrylady.
Aidana Quanyşqyzy
