شىمكەنتتە ءۇش كىتاپحانا زامان تالابىنا ساي جاساقتالدى. ەلوردا كۇنىندە وقىرماندار يگىلىگىنە تاپسىرىلعان نىسانداردى قالا اكىمىنىڭ ءبىرىنشى ورىنباسارى شىڭعىس مۇقان ارالاپ كوردى. ەل تاۋەلسىزدىگىنىڭ 30 جىلدىعى قارساڭىندا «بالالار ادەبيەتى جىلى» اياسىندا مودەرنيزاتسيادان وتكەن نىساندار الداعى ۋاقىتتا تەك كىتاپ وقيتىن ورىن عانا ەمەس ءتۇرلى باعىتتاعى يگى شارالار وتەتىن ورتالىقتارعا اينالماق.
بۇگىنگىنىڭ بالاسىن ارزانقول دۇنيەمەن الداۋسىراتا المايسىز. عالامتوردىڭ ارقاسىندا الەمنىڭ عاجايىپتارى الاقاندارىندا. وي-ءورىسى وزگەشە دامىپ كەلە جاتقان بۇلدىرشىندەردى كىتاپقا باۋلۋ دا وڭاي شارۋا ەمەس. ول ءۇشىن ەڭ الدىمەن كىتاپتىڭ قىزىقتى بولۋى ازدىق ەتەدى، كىتاپحانا عيماراتى دا كوز تارتارلىقتاي اسەم بولۋى ءتيىس. وسىنى ەسكەرگەن بيلىك وكىلدەرى بيىلعى جىلى كىتاپحانالاردىڭ جاعدايىنا ەرەكشە دەن قويا باستادى. بۇل شىمكەنتتەگى ورتالىقتاندىرىلعان بالالار كىتاپحاناسى. بۇرىڭعى كەيپى كەڭەس ءداۋىرىن ەسكە سالاتىن. ال قازىر جاڭا ديزايندى سورەلەرمەن ساندەلىپ، زامانۋي ۇستەلدەر قويىلعان. قابىرعالار دا اسەم جاساقتالعان. جاڭاشا جاساقتالعان رۋحاني ورتالىق قازىردىڭ وزىندە اتا-انا مەن بالالاردىڭ ءجيى كەلەتىن سۇيىكتى ورنىنا اينالىپ ۇلگەردى. جازعى كانيكۋلعا شىققان بالالار كىتاپپەن دوستاسىپ، ادەبيەت الەمىنە ساياحات جاساۋدا. الدا جوسپارلار كوپ. كەي قىزمەتتەر اقىلى بولعان جاعدايدا رۋحاني ورتالىقتىڭ ءسانى مەن ساۋلەتى بۇدان دا ايشىقتالا تۇسەدى دەيدى كىتاپحانا باسشىلىعى.
گۇلسىم شاتىربەكوۆا، شىمكەنت قالاسى ورتالىقتاندىرىلعان كىتاپحانا ديرەكتورى: 1/03-35 اقىلى قىزمەتتەردى ىسكە قوسامىز. ونىڭ قاراجاتى كاتاپحانىنى جاساقتاۋعا جۇمسالادى...
ەلوردا كۇنىنە وراي اباي اتىنداعى قالالىق ورتالىقتاندىرىلعان كوپشىلىك كىتاپحانالار جۇيەسىنىڭ №8 جانە №11 فيليالدارى دا وتباسىلىق كىتاپحانا رەتىندە قايتا جاسالىپ، مودەرنيزاتسيالاندى. جاڭارعان كىتاپحانالاردا جاڭا وقۋ ايماقتارى، كىتاپ جانە وقىرماندار زالدارى، «Art Community Space» زالدارىنىڭ جاڭا جۇمىس جۇيەسى، كوفەحانا جۇمىس ىستەيدى.مودەرنيزاتسيادان كەيىن جاڭا كىتاپحانالار تەك كىتاپ وقيتىن ورىن عانا ەمەس، سونىمەن قاتار وقىرماندار وزدەرىنىڭ شىعارماشىلىق الەۋەتىن ىسكە اسىراتىن، دەمالىپ، جۇزدەسەتىن ورتالىقتارعا اينالادى. سونىمەن قاتار، مۇندا ءارتۇرلى ساناتتاعى وقىرماندارعا ەركىن ۇيىرمەلەر ۇيىمداستىرىلادى.
شىڭعىس مۇقان، شىمكەنت قالاسى اكىمىنىڭ ءبىرىنشى ورىنباسارى: قازىر ادام كاپيتالىن دامىتۋعا كوپ كوڭىل بولىنۋدە...
ايتا كەتەيىك، بيىل شىمشاھاردا 10 كىتاپحاناعا مودەرنيزاتسيا جۇمىستارىن جۇرگىزۋ جوسپارلانعان. بۇگىنگى تاڭدا مادەنيەت نىساندارىن جاڭعىرتۋ جۇمىستارىنىڭ ءبىرىنشى كەزەڭى اياقتالدى. ءىى-كەزەڭدە تاعى 4 كىتاپحانا جەلىسىن زامان تالابىنا ساي جاڭعىرتۋ كوزدەلىپ وتىر.
