بۇۇ باس اسسامبلەياسىنىڭ 76 -شى سەسسياسىنىڭ توراعاسى ابدۋللا شاحيد 2022 جىلدىڭ سوڭىنا دەيىن بۇكىل الەم كوروناۆيرۋسقا قارسى ۆاكتسينا سالدىراتىنىنا ۇمىتتەنەتىنىن ايتتى جانە بارلىق ەلدەردى وسى ماقساتقا جەتۋ ءۇشىن بىرىگۋگە شاقىردى دەپ حابارلايدى "ادىرنا" ۇلتتىق پورتالى "zakon.kz-كە" سىلتەمە جاساپ.
"مەن ءوز كۇشىمدى پايدالانىپ، بارلىعىن بىرىكتىرگىم كەلەدى. مەنىڭ مىندەتىم — 2022 جىلدىڭ سوڭىنا قاراي بۇكىل الەم حالقىنىڭ ۆاكتسيناتسيالاۋدى ويداعىداي جۇزەگە اسىرۋىن قامتاماسىز ەتۋ", — دەدى شاحيد.
ول باس اسسامبلەيا 193 ەلدەن تۇراتىنىن جانە GA High Level اپتالىعىنداعى پىكىرتالاس كەزىندە شىققان سيگنالدار وڭتايلى بولعانىن، امەريكا قۇراما شتاتتارى، ءۇندىستان، قىتاي، تاعى باسقا ۆاكتسينا شىعاراتىن ەلدەر قولداۋ بىلدىرگەنىن جەتكىزدى.
"ادىرنا" ۇلتتىق پورتالى.
