قازاقستاندا سOVID-19-عا قارسى ۆاكتسينا العاننان كەيىن 1 437 ادام نەمەسە جالپى ۆاكتسينا سالدىرعانداردىڭ 0,05 پايىزى كوروناۆيرۋس جۇقتىرعان دەپ حابارلايدى "ادىرنا" ۇلتتىق پورتالى.
بۇل تۋرالى قر دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق باقىلاۋ كوميتەتىنىڭ ءتورايىمى ايجان ەسماعامبەتوۆا مالىمدەدى.
"بۇگىنگە دەيىن ۆاكتسينا العاننان كەيىن 1 437 ادام اۋىرعان. بۇل — تومەن دەڭگەي، ياعني، 0,05 پايىز. ءوندىرۋشىنىڭ ءوزى ۆاكتسينانىڭ تيىمدىلىگى 92 پايىز دەيدى، ياعني 100 ادامنىڭ سەگىزى اۋىرىپ قالۋى مۇمكىن. "سپۋتنيك V", "Hayat-Vax" جانە "QazVac" سالدىرعاندار اراسىندا ناۋقاستار بار", - دەدى ا.ەسماعامبەتوۆا ورتالىق كوممۋنيكاتسيالار ورتالىعىندا وتكەن ونلاين-بريفينگتە.
ونىڭ ايتۋىنشا، ەلدە "سپۋتنيك V" العاشقى دوزاسىن العانداردان 979 ادام اۋىرىپ قالعان. "QazVac-تان" كەيىن 8 ادام، "Hayat-Vax" ۆاكتسيناسىن سالدىرعان سوڭ 35 ادام ۆيرۋس جۇقتىرعان.
"ادىرنا" ۇلتتىق پورتالى.