ەلىمىزدە قازاق ۇلتتىق سۋ شارۋاشىلىعى جانە يرريگاتسيا ۋنيۆەرسيتەتى اشىلادى، دەپ حابارلايدى "ادىرنا" ۇلتتىق پورتالى.
جاڭا ۋنيۆەرسيتەت قازاقستاندا تاپشى سۋ سالاسىنىڭ ماماندارىن وقىتۋعا مۇمكىندىك بەرمەك.
قازاقستان بويىنشا گيدروتەحنيكتەر م.ح.دۋلاتي اتىنداعى تاراز وڭىرلىك ۋنيۆەرسيتەتىندە عانا دايارلانادى. ۇكىمەت اتالعان وقۋ ورنىن ەكىگە ءبولىپ، قازاق ۇلتتىق سۋ شارۋاشىلىعى جانە يرريگاتسيا ۋنيۆەرسيتەتىن اشاتىنىن حابارلادى.
«م.ح. دۋلاتي اتىنداعى تاراز ۋنيۆەرسيتەتى» كەاق جانە «قازاق ۇلتتىق سۋ شارۋاشىلىعى جانە يرريگاتسيا ۋنيۆەرسيتەتى» كەاق ءبولۋ جولىمەن قايتا ۇيىمداستىرىلسىن»، - دەلىنگەن ۇكىمەت قاۋلىسىنىڭ جوباسىندا.
ۇكىمەت جوباسى بويىنشا الدعاى ۋاقىتتا ءبىر جوعارعى وقۋ ورنى مەن سۋ سالاسىنىڭ ماماندارىن دايىندايتىن 5 كوللەدج اشىلادى. ولار باتىس، شىعىس، سولتۇستىك، ورتالىق ايماقتاردا سالىنادى دەپ جوسپارلانۋدا.
ودان بولەك، جاڭا وقۋ جىلىنان باستاپ قازاقستان مەن وزبەكستان سۋ رەسۋرستارى ماماندارىن بىرلەسىپ دايارلايتىن بولادى. سەبەبى تاراز مەملەكەتتىك ۋنيۆەرسيتەتى مەن تاشكەنت يرريگاتسيا ينستيتۋتى ءتيىستى مەموراندۋمعا قول قويعان.
