Tarazdyq sheneýnikter on dana batareıkany 9 mln teńgege satyp almaq boldy, dep habarlaıdy "Adyrna" ulttyq portaly Habar24 arnasyna silteme jasap.
Bundaı baǵa oblystyq ıfrlyq tehnologııalar basqarmasynyń memlekettik satyp alý saıtynda kórsetilgen. Eger jospar júzege asqanda eń arzany 70 teńge turatyn batareıkanyń árbir danasyna qazynadan 901 myń 700 teńge jumsalatyn edi. Abyroı bolǵanda, aqjaǵalylardyń áreketine sybaılas jemqorlyqqa qarsy is-qımyl departamenti qyzmetkerleri men kásipkerler palatasynyń ókilderi tosqaýyl qoıdy.
Olar usynys hat jazyp, taýar qunyn 299 teńgege deıin tómendetken. Nátıjesinde 9 mln teńge únemdeldi. Sala mamandary atalǵan oqıǵa tapsyrys berý kezindegi qatelikten boldy dep túsindirdi. Degenmen, taýar qunyn naryqtaǵydan sharyqtatyp kórsetý ózge salalarda da baıqalǵan.
Dáýren Omarov, oblystyq sybaılas jemqorlyqqa qarsy is-qımyl departamentiniń basqarma basshysy:
- Sol sııaqty jaǵdaı Taraz qalasy bilim bólimine qatysty másele bolǵan. Ol jerde kompıýterlerdiń baǵasy 380 myńǵa alamyz dep josparlanǵan bolsa onyń naryqtaǵy baǵasy 280-300 myń teńge turatyny belgili boldy. Soǵan da baılanysty usynys hat joldaǵan bolatynbyz. Sonyń nátıjesinde 16 mlnǵa jýyq únemdeý jaǵdaılary bolyp jatyr.
