Tarazdyq şeneunıkter on dana batareikany 9 mln teŋgege satyp almaq boldy, dep habarlaidy "Adyrna" ūlttyq portaly Habar24 arnasyna sılteme jasap.
Būndai baǧa oblystyq sifrlyq tehnologiialar basqarmasynyŋ memlekettık satyp alu saitynda körsetılgen. Eger jospar jüzege asqanda eŋ arzany 70 teŋge tūratyn batareikanyŋ ärbır danasyna qazynadan 901 myŋ 700 teŋge jūmsalatyn edı. Abyroi bolǧanda, aqjaǧalylardyŋ äreketıne sybailas jemqorlyqqa qarsy ıs-qimyl departamentı qyzmetkerlerı men käsıpkerler palatasynyŋ ökılderı tosqauyl qoidy.
Olar ūsynys hat jazyp, tauar qūnyn 299 teŋgege deiın tömendetken. Nätijesınde 9 mln teŋge ünemdeldı. Sala mamandary atalǧan oqiǧa tapsyrys beru kezındegı qatelıkten boldy dep tüsındırdı. Degenmen, tauar qūnyn naryqtaǧydan şaryqtatyp körsetu özge salalarda da baiqalǧan.
Däuren Omarov, oblystyq sybailas jemqorlyqqa qarsy ıs-qimyl departamentınıŋ basqarma basşysy:
- Sol siiaqty jaǧdai Taraz qalasy bılım bölımıne qatysty mäsele bolǧan. Ol jerde kompiuterlerdıŋ baǧasy 380 myŋǧa alamyz dep josparlanǧan bolsa onyŋ naryqtaǧy baǧasy 280-300 myŋ teŋge tūratyny belgılı boldy. Soǧan da bailanysty ūsynys hat joldaǧan bolatynbyz. Sonyŋ nätijesınde 16 mlnǧa juyq ünemdeu jaǧdailary bolyp jatyr.
Ūqsas jaŋalyqtar
