توقاەۆ ەندى قازاقتىڭ نەسىبەسىن ۇرلاپ-جىرلايتىنداردىڭ باسىنا اڭگىرتاياق ويناتىپ، قامشى ۇيىرمەك. ۇلتتىق اقپارات كەڭىستىگىندە قازاق ەلىنىڭ پرەزيدەنتى قاسىم-جومارت توقاەۆتىڭ ۇلتتىق قۇندىلىقتارعا ماڭىز تانىتىپ، دىراۋ قامشى [ۇلكەن قامشى] ساتىپ العان ۆيدەوسى تارادى، دەپ حابارلايدى "ادىرنا" ۇلتتىق پورتالى.
قاسىم-جومارت توقاەۆتىڭ ءساتتى ساۋداسىنا قاتىستى اقپار ايتىپ، ەرەكشە پىكىر بىلدىرگەندىڭ قاتارىندا جۋرناليست دياس نۇراقىن دا بار. ول:
- قاسىم-جومارت توقاەۆ قامشى ساتىپ الدى. ەندى جۇمىس ىستەمەيتىن، تاپسىرمانى ورىندامايتىن، قىمباتشىلىققا جول بەرگەن، اقشا جەگەن شەنەۋنىكتەردى شىقپىرتىپ تۇرىپ سابايتىن شىعار؟!
قامشى 16 مىڭ تەڭگە تۇرادى ەكەن. پرەزيدەنت ءتوس قالتاسىنان ءاميانىن شىعارىپ، 20 مىڭ تەڭگە ۇستاتتى دا، سداچا كەرەك ەمەس دەدى. ءبىز كاسپي گولدپەن جۇرسەك، پرەزيدەنت ءالى ناليچكا ۇستايدى ەكەن.
كەزىندە نازارباەۆ ءبىر دۇكەنگە كىرىپ، اقشا تاپپاي، كۇزەتشىسىنەن سۇراپ ەدى. قازىرگى پرەزيدەنتتىڭ قالتاسىندا قاشاندا اقشا جۇرەتىن سياقتى، - دەپ جازدى.
ناقتى ايتا وتىرايىق، جامبىل وبلىسىنىڭ "كونە تاراز" تاريحي-مادەني ورتالىعىنداعى كورمەگە بارعان قاسىم-جومارت توقاەۆ جەرگىلىكتى قولونەر شەبەرىنىڭ ءبىرى جاساعان قامشىنى ساتىپ الدى. توقاەۆتىڭ قامشى ساتىپ العان سان-cاققا جورىپ جاتقاندار كوپ. ولاردىڭ دەنى توقاەۆتىڭ دىر قامشىمەن شەنەۋنىكتەردى "كوكالا قويداي قىلىپ" سابايتىنىنا سەنىمدى.
"اكىمىمىز نەگە تىپىرشىپ تۇر؟ جونارقادان سالىپ قالا ما دەپ ساسقالاقتاپ تۇرعان شىعار";"ارتىنان شەندى-شەكپەندىلەر سوككەن شىعار. تەگىن بەرە سالمادىڭ با؟ ۇيات ەمەس پە دەپ. اقشادان ءولدىڭ بە، مەن بەرە سالاتىن ەدىم عوي. دەپ ءسويتىپ، سويلەپ قويادى. ال كىسى ەڭبەگىن باعالاي بىلمەيدى. ءبارى تەگىن بولۋ كەرەك. مىنە وسىنداي جۇيە، باسشىلار بار. ال پرەزيدەنت ازاماتتىق جاساپ تۇر";"21 عاسىردا ءالى سول قامشىمەن ءجۇرمىز";"پرەزيدەنتىمىزدىڭ، باسقاسىن بىلاي قويىپ، قامشىنى قولعا العانىن جاقسىلىققا جوريىن با؟ الدە..." دەپ جازدى وقىرماندار.
"ادىرنا" ۇلتتىق پورتالى
