تاراز ماڭىنداعى جارىلىستان كەيىن تاكسي جۇرگىزۋشىلەرى ادامداردى 35 مىڭ تەڭگەگە تاسىعان، دەپ حابارلايدى "ادىرنا".
تاكسي جۇرگىزۋشىلەرى تاراز ماڭىنداعى جارىلىستار كەزىندە قورقىپ، ۇيلەرىنەن شىعىپ، جاقىن ماڭداعى ەلدى مەكەندەرگە جەتۋگە تىرىسقان جولاۋشىلاردان ۇلكەن اقشا سۇرادى.
بۇل تۋرالى "ەۋرازيا" ءبىرىنشى ارناسىندا ايتىلدى.
"دۇربەلەڭ بولدى. باعانى اركىم ويلاعانىنشا قويدى. باعالار كوتەرىلدى، ادامدار نارازىلىق ءبىلدىردى. تاڭەرتەڭ ولار كەلىپ: ماشينا 30 000, 35 000 تەڭگە دەيدى. ءبىز 10 مىڭعا جۇرەمىز. بۇل ءبىز ءۇشىن ۇيات", دەيدى جۇرگىزۋشى نۇربەك بەكسۇلتانوۆ.
كەي تاكسي جۇرگىزۋشىلەرى اۋمالى-توكپەلى زاماتتا ەلگە كومەك كورسەتىپ، حالىقتى تەگىن تاسىمالدادى.
"ادىرنا" ۇلتتىق پورتالى
