زەرتتەۋگە سايكەس، قازاقستان حالقىنىڭ جاسى ۇلعايىپ كەلەدى: ەلدەگى قارت ادامداردىڭ ۇلەسى 11% - عا جەتتى، دەپ حابارلايدى "ادىرنا" ۇلتتىق پورتالى.
2021 جىلدىڭ وزىندە قر حالقىنىڭ سانى 19 ملن-نان استى.
سونىمەن، 2020 جىلى ءومىر ءسۇرۋ ۇزاقتىعى 71,37 جاستى قۇرادى، ون جىل بۇرىن ول 68,45 جاس، ال 2000 جىلى - 65,5 جاستى قۇرادى. بۇل جەردە سابيلەر مەن بالالار ءولىمىن، تاعى باسقا جايتتاردى ەسكەرۋ كەرەك. زەينەتكە شىققاننان كەيىنگى ءومىر ءسۇرۋ ۇزاقتىعى ەرلەر ءۇشىن 80 جاس، ايەلدەر ءۇشىن 82 جاس.
بيىل قازاقستان رەسپۋبليكاسىنىڭ حالقى 19 ميلليوننان استى. بۇل ورايدا حالىق سانىنىڭ ءوسۋى بالا تۋ مەن ءومىر ءسۇرۋ ۇزاقتىعىنىڭ ۇلعايۋىنا بايلانىستى ەكەنىن اتاپ وتكەن ءجون. 2020 جىلى ءومىر ءسۇرۋ ۇزاقتىعى 71,37 جاس بولدى، ون جىل بۇرىن ول 68,45 جاس، ال 2000 جىلى 65,5 جاس بولدى.
وسىلايشا، قازاقستاندا حالىقتىڭ قارتايۋى بايقالادى. ەگەر 2010 جىلى زەينەت جاسىنداعى حالىقتىڭ ۇلەسى 9,9 % بولسا، 2020 جىلى - 11 %.
ەڭبەككە قابىلەتتى جاستاعى ازاماتتاردىڭ ۇلەسى كەرىسىنشە 2010 جىلعى 64 پايىزدان 2020 جىلى 58,3 پايىزعا دەيىن تومەندەدى. ج. بوجە-گارنە-ە. روسسەتتىڭ دەموگرافيالىق قارتايۋ دەڭگەيى بويىنشا قازاقستان "قارتايۋ الدىندا" تۇر.
سونىمەن قاتار، ەڭبەككە قابىلەتتى ادامعا دەموگرافيالىق جۇكتەمە دە ءوسىپ جاتىر. ماسەلەن، قازاقستان رەسپۋبليكاسىندا ەڭبەككە قابىلەتتى 1000 ازاماتقا ەڭبەككە قابىلەتتى جاستان كىشى جانە ۇلكەن 692 ادامنان كەلەدى ء(بىر جىل بۇرىن - 687, ال ون جىل بۇرىن - 555 ادام بولدى.
ءدال وسىنداي جاعداي بۇكىل الەمدە بايقالادى. بۇۇ بولجامى بويىنشا، ءىس جۇزىندە الەمنىڭ بارلىق ەلى قارتايۋ پروتسەسىنە تاپ بولادى.
حالىق قارتايۋىمەن، سايكەسىنشە ەڭبەككە قابىلەتتى تۇرعىندارعا جۇكتەمەنىڭ ۇلعايۋىمەن زەينەتاقى تولەۋدىڭ جيناقتالاتىن جۇيەسىنە كوشۋىنە بايلانىستى الەمدىك تەندەنتسيالار بايقالادى.
قازاقستان 1998 جىلدان باستاپ بىرتىندەپ تولەنەتىن زەينەتاقى جۇيەسىنەن جيناقتاۋشى زەينەتاقى جۇيەسىنە كوشۋدى باستادى.
زەينەتاقى جۇيەسى - بۇل زەينەتكەرلەرگە تولەم جۇمىسشىلاردىڭ اعىمداعى تابىسى ەسەبىنەن جۇزەگە اسىرىلاتىن جۇيە. قارجىلاندىرىلاتىن جۇيە قارتتارعا تولەمگە جۇمسالمايتىن جارنالاردى تولەيدى، ول جيناقتالىپ، ينۆەستيتسيالانىپ، ينۆەستيتسيادان الىنعان تابىستارمەن بىرگە كەيىن ونى جيناعان ادامداردى زەينەتاقىمەن قامتاماسىز ەتۋگە جۇمسالادى.
زەينەتاقى مولشەرىنىڭ زەينەتاقى جارنالارىنىڭ مولشەرىنە قاتاڭ تاۋەلدىلىگى ارقىلى جۇمىسشىلار تاراپىنان قارتايعاندا، ماتەريالدىق قامتاماسىز ەتىلۋىنە جاۋاپكەرشىلىكتەرى كۇشەيىپ، تابىسىن زاڭدى تۇردە راسىمدەگىسى كەلەدى.
جيناقتاۋشى جانە تاراتۋشى زەينەتاقى جۇيەلەرىنىڭ اراسىنداعى ايىرماشىلىق ينفوگرافيكادا كورسەتىلگەن.
قر كوپدەڭگەيلى زەينەتاقى جۇيەسىنىڭ جيناقتاۋشى قۇرامداۋىشى بيۋدجەتكە تۇسەتىن جۇكتەمەنى ازايتۋعا، سونداي-اق بولاشاقتا زەينەتاقى مولشەرىن ۇلعايتۋعا ىقپال ەتەدى.
2021 جىلعى 1 قىركۇيەكتەگى جاعداي بويىنشا قر ازاماتتارىنىڭ زەينەتاقى جيناقتارى 12,9 ترلن تەڭگەنى قۇرادى - وتكەن جىلدىڭ ۇقساس كەزەڭىمەن سالىستىرعاندا 6% - عا ارتىق.
"ادىرنا" ۇلتتىق پورتالى
