قازاقستاندا سانى جاعىنان ەڭ كوپ ۇلت تۋرالى ۇلتتىق ستاتيستيكا بيۋروسى دەرەكتەردى جاريالادى، دەپ حابارلايدى "ادىرنا".
2026 جىلعى 1 ناۋرىزداعى مالىمەت بويىنشا، قازاقستان حالقىنىڭ سانى 20 532 240 ادامدى قۇرايدى.
ەڭ كوپ ۇلەسكە يە – قازاقتار. ودان كەيىن ورىستار، وزبەكتەر، ۋكرايندار جانە ۇيعىرلار تۇر. ءىرى ەتنوستىق توپتاردىڭ ىشىندە سونداي-اق نەمىستەر، تاتارلار، ازەربايجاندار، كورەيلەر، تۇرىكتەر، دۇنعاندار، بەلورۋستار، تاجىكتەر، كۇردتەر جانە قىرعىزدار بار.
- قازاقتار – 14 664 202
- ورىستار – 2 943 022 3.
- وزبەكتەر – 695 557 4.
- ۋكرايندار – 367 547 5.
- ۇيعىرلار – 309 164
- نەمىستەر – 222 890
- تاتارلار – 218 361
- ءازىربايجاندار – 157 568
- كارىستەر – 120 821
- تۇرىكتەر – 93 234
- دۇنگەندەر – 88 165
- بەلارۋستار – 73 788
- تاجىكتەر – 61 307
- كۇردتەر – 52 077
- قىرعىزدار – 41 459
ايماقتار بويىنشا دەرەكتەر ەلدىڭ ءار وڭىرىندە بەلگىلى ءبىر ەتنوستاردىڭ تىعىز ورنالاسقانىن اڭعارتادى. ماسەلەن، ەڭ كوپ قازاقتار تۇركىستان وبلىسى اۋماعىندا تۇرادى – شامامەن 1,6 ملن ادام. ورىستاردىڭ ەڭ كوپ سانى الماتى قالاسىندا شوعىرلانعان – 428 مىڭ ادام. وزبەكتەر اراسىندا دا كوشباسشى ءوڭىر – تۇركىستان وبلىسى، مۇندا 404 مىڭ ادام تۇرادى. ۋكرايندار بويىنشا الدا قوستاناي وبلىسى – 83 مىڭ ادام. ال جالپى سانى 309 مىڭ ۇيعىردىڭ 124 مىڭى الماتى قالاسىندا تۇرادى.
