قوستانايدا 12 جاستاعى قىزدى تۋعان اكەسى ۇزاق جىلدار بويى زورلاپ كەلگەن

5187

قوستاناي وبلىسىندا ەر ادام بىرنەشە جىل بويى تۋعان قىزىن كۇن سايىن زورلاپ كەلگەن، دەپ حابارلايدى “ادىرنا” ۇلتتىق پورتالى TobolInfo پورتالىنا سىلتەمە جاساپ.

بۇل تۋرالى جابىرلەنۋشىنىڭ ادۆوكاتى حابارلادى. قايعىلى وقيعانىڭ قاي جەردە جانە قاي جىلدان بەرى بولعانىن ايتىلماعان. تەك بەلگىلىسى، ەر ادام تۋعان قىزىن سەگىز جاسىنان قورلاي باستاعان.

«12 جاسقا دەيىن ەر ادام قىزىن ازعىرىپ، كەيىن تۇراقتى تۇردە زورلاۋعا كوشكەن. قىز بالا اكەسىنىڭ قىلمىسى اشىلعانعا دەيىن ونىڭ ارەكەتتەرىن قالىپتى نارسە دەپ قابىلداعان. بۇل جاعداي  بۇرىن ەش تىركەۋدە تىركەلمەگەن قاراپايىم وتباسىندا كۇن سايىن بولىپ تۇرعان»، - دەدى ادۆوكات.

قورعاۋشىنىڭ ايتۋىنشا، قىزدىڭ اناسى نە بولىپ جاتقانىن بىرنەشە كۇن بۇرىن عانا ءبىلىپ، بىردەن پوليتسياعا جۇگىنگەن.

قازىرگى ۋاقىتتا قر قىلمىستىق كودەكسىنىڭ 122-بابى – «ون التى جاسقا تولماعان اداممەن جىنىستىق قاتىناس نەمەسە سەكسۋالدىق سيپاتتاعى وزگە دە ارەكەتتەر» بويىنشا سوتقا دەيىنگى تەرگەۋ ءىسى باستالدى. قىلمىس بىرنەشە رەت جاسالعاندىقتان، كۇدىكتى 12 جىلدان 15 جىلعا دەيىن باس بوستاندىعىنان ايىرىلادى.

كامەلەتكە تولماعانداردىڭ قۇقىقتارىن قورعاۋ ءۇشىن قىلمىستىق ءىستىڭ ەگجەي -تەگجەيى جاريا ەتىلمەيدى.

قىز بالا وسى ۋاقىتقا دەيىن قاتتى كۇيزەلىستە جۇرگەندىكتەن، زارداپ شەگۋشىمەن پسيحولوگتار جۇمىس جاساپ جاتىر.

”ادىرنا” ۇلتتىق پورتالى 

پىكىرلەر
ۇقساس جاڭالىقتار