Qostanaı oblysynda er adam birneshe jyl boıy týǵan qyzyn kún saıyn zorlap kelgen, dep habarlaıdy “Adyrna” ulttyq portaly TobolInfo portalyna silteme jasap.
Bul týraly jábirlenýshiniń advokaty habarlady. Qaıǵyly oqıǵanyń qaı jerde jáne qaı jyldan beri bolǵanyn aıtylmaǵan. Tek belgilisi, er adam týǵan qyzyn segiz jasynan qorlaı bastaǵan.
«12 jasqa deıin er adam qyzyn azǵyryp, keıin turaqty túrde zorlaýǵa kóshken. Qyz bala ákesiniń qylmysy ashylǵanǵa deıin onyń áreketterin qalypty nárse dep qabyldaǵan. Bul jaǵdaı buryn esh tirkeýde tirkelmegen qarapaıym otbasynda kún saıyn bolyp turǵan», - dedi advokat.
Qorǵaýshynyń aıtýynsha, qyzdyń anasy ne bolyp jatqanyn birneshe kún buryn ǵana bilip, birden polıııaǵa júgingen.
Qazirgi ýaqytta QR Qylmystyq kodeksiniń 122-baby – «On alty jasqa tolmaǵan adammen jynystyq qatynas nemese seksýaldyq sıpattaǵy ózge de áreketter» boıynsha sotqa deıingi tergeý isi bastaldy. Qylmys birneshe ret jasalǵandyqtan, kúdikti 12 jyldan 15 jylǵa deıin bas bostandyǵynan aıyrylady.
Kámeletke tolmaǵandardyń quqyqtaryn qorǵaý úshin qylmystyq istiń egjeı -tegjeıi jarııa etilmeıdi.
Qyz bala osy ýaqytqa deıin qatty kúızeliste júrgendikten, zardap shegýshimen psıhologtar jumys jasap jatyr.
”Adyrna” ulttyq portaly
