Qostanai oblysynda er adam bırneşe jyl boiy tuǧan qyzyn kün saiyn zorlap kelgen, dep habarlaidy “Adyrna” ūlttyq portaly TobolInfo portalyna sılteme jasap.
Būl turaly jäbırlenuşınıŋ advokaty habarlady. Qaiǧyly oqiǧanyŋ qai jerde jäne qai jyldan berı bolǧanyn aitylmaǧan. Tek belgılısı, er adam tuǧan qyzyn segız jasynan qorlai bastaǧan.
«12 jasqa deiın er adam qyzyn azǧyryp, keiın tūraqty türde zorlauǧa köşken. Qyz bala äkesınıŋ qylmysy aşylǧanǧa deiın onyŋ äreketterın qalypty närse dep qabyldaǧan. Būl jaǧdai būryn eş tırkeude tırkelmegen qarapaiym otbasynda kün saiyn bolyp tūrǧan», - dedı advokat.
Qorǧauşynyŋ aituynşa, qyzdyŋ anasy ne bolyp jatqanyn bırneşe kün būryn ǧana bılıp, bırden polisiiaǧa jügıngen.
Qazırgı uaqytta QR Qylmystyq kodeksınıŋ 122-baby – «On alty jasqa tolmaǧan adammen jynystyq qatynas nemese seksualdyq sipattaǧy özge de äreketter» boiynşa sotqa deiıngı tergeu ısı bastaldy. Qylmys bırneşe ret jasalǧandyqtan, küdıktı 12 jyldan 15 jylǧa deiın bas bostandyǧynan aiyrylady.
Kämeletke tolmaǧandardyŋ qūqyqtaryn qorǧau üşın qylmystyq ıstıŋ egjei -tegjeiı jariia etılmeidı.
Qyz bala osy uaqytqa deiın qatty küizelıste jürgendıkten, zardap şeguşımen psihologtar jūmys jasap jatyr.
”Adyrna” ūlttyq portaly
