قوستاناي وبلىسىندا بۇرىن ءىز-ءتۇزسىز جوعالىپ، ىزدەۋدە بولعان كامەلەتكە تولماعان ءجاسوسپىرىمنىڭ دەنەسى تابىلدى، دەپ حابارلايدى "ادىرنا" ۇلتتىق پورتالى.
قوستاناي وبلىستىق پوليتسيا دەپارتامەنتى مالىمەتىنشە، ءجاسوسپىرىمنىڭ جوعالۋ فاكتىسى بويىنشا قىلمىستىق ءىس قوزعالعان.
جەدەل-ىزدەستىرۋ شارالارى بارىسىندا پوليتسيا قىزمەتكەرلەرى گاگارين بوگەتىنىڭ ماڭىنداعى قامىس اراسىنان ونىڭ دەنەسىن تاپقان. الدىن الا مالىمەت بويىنشا، دەنەسىندە زورلىق-زومبىلىق بەلگىلەرى انىقتالماعان.
قازىرگى ۋاقىتتا وقيعانىڭ بارلىق ءمان-جايىن انىقتاۋعا باعىتتالعان تەرگەۋ امالدارى جۇرگىزىلۋدە.
پوليتسيا وكىلدەرى ازاماتتاردى تەك رەسمي اقپارات كوزدەرىنە سەنۋگە جانە تەكسەرىلمەگەن مالىمەتتەردى تاراتپاۋعا شاقىردى.
ەسكە سالايىق، يندۋستريالدىق كوللەدجدىڭ 17 جاستاعى ستۋدەنتى ۆلاديمير ورەل 17 ناۋرىز كۇنى جاتاقحانادان شىققاننان كەيىن جوعالىپ كەتكەنى تۋرالى اقپارات تاراعان.
